سىبايلاس جەمقورلىققا قارسى قىزمەت جاۋاپتى مەملەكەتتىك لاۋازىمداردى اتقاراتىن ادامدار جاساعان جەمقورلىق قىلمىستاردى انىقتاۋ بويىنشا تۇراقتى نەگىزدە جۇمىس جۇرگىزەدى.
قازىرگى ۋاقىتتا ءىس بويىنشا قىلمىس تۋرالى كىسى ولتىرۋدەن حابارلاماۋعا دەيىنگى ارەكەتتەردى قايتا سارالاۋ تۋرالى ماسەلەنى شەشۋ سىلتاۋىمەن ءىرى مولشەردە الاياقتىق جولمەن اقشا الدى دەپ كۇدىكتەلگەن الماتى وبلىسى قونايەۆ قالاسى سوتىنىڭ ءتوراعاسىنا قاتىستى قىلمىستىق ءىس تەرگەلۋدە، دەپ حابارلايدى اlmaty-akshamy.kz.
باسقا جاعدايدا، الماتى وبلىسى تالعار اۋداندىق سوتىنىڭ سۋدياسى ايتارلىقتاي مولشەردە پارا الدى دەپ كۇدىكتەلۋدە. ول سوت ورىنداۋشىسى ارقىلى كامەلەتكە تولماعانداردىڭ جىنىستىق تيىسپەۋشىلىگىنە قارسى اسا اۋىر قىلمىس جاساعان ادامعا قاتىستى مەديسينالىق سيپاتتاعى ماجبۇرلەۋ شارالارىنىڭ ءتۇرىن وزگەرتۋ تۋرالى وڭ شەشىم شىعارعانى ءۇشىن اقشالاي سىياقى العان. سونداي-اق، الماتى وبلىسىنىڭ مامانداندىرىلعان اۋدانارالىق ەكونوميكالىق سوتىنىڭ سۋدياسىنا قاتىستى قىلمىستىق ءىس قارالۋدا، ول كاسىپكەردەن ميللياردتاعان سالىق بەرەشەگى بار ەكى كومپانيانى بانكروت دەپ تانۋ تۋرالى زاڭسىز شەشىمدەر شىعارعانى ءۇشىن پارا الدى دەپ ايىپتالۋدا. قىلمىستىق-پروسەستىك كودەكسىنىڭ 201-بابىنا سايكەس وزگە اقپارات جاريا ەتۋگە جاتپايدى.
كونستيتۋسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروسەستىك كودەكسىنىڭ 19-بابى 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى.