الماتىلىقتار ءۇشىن بۇل ۆەلوجارىس داستۇرگە اينالعان
وسىمەن اتالعان جارىس 7-رەت ۇيىمداستىرىلىپ وتىر، دەپ حابارلايدى Almaty-akshamy.kz
تەك سوڭعى ەكى جىل پاندەميا كەزىندە وتپەي قالدى. ەندى مىنە قايتا جانداندى. سوندىقتان وعان قىزىعۋشىلىق جوعارى. جارىس تاڭعى سەگىزدە باستالدى. ەڭ الدىمەن 14 شاقىرىم قاشىقتىققا جاسوسپىرىمدەر ءجۇرىپ ءوتتى.
ولار مارەنى ءبىر سعاتتا باعىندىردى. ودان كەيىن 32 جانە 52 قاشىقتىققا قاتىسۋاتىن ۆەلوشابوندوزدار جولعا شىقتى.
كوبىنەسە باسىم بولىگى دەسەك تە بولادى الماتى قالاسىنىڭ تۇرعىندارى جانە قازاقستاننىڭ وڭىرلەرىنەن كەلىپ جاتىر. كاسىپقويعا جاقىن ۆەلوسپورتشىلار دەسەك تە بولادى. كورسەتىپ جاتقان ناتيجەلەرى ۋاقىتى جامان ەمەس. وتە جاقسى جىلدام كەلدى. اسىرەسە، مارەدەن روزىباكييەۆ كوشەسىمەن ارتقا قاراي جىلدام جۇرگەن كەزدە تامسانىپ قالاسىڭ جىلدامدىعىنا قاراپ، - دەدى ۇيىمداستىرۋشى يسا قالقا.
ۇيىمداستىرۋشىلار اتاپ وتكەندەي، بۇل دودا حالىقارالىق سيپات الىپ جاتىر. وعان قاتىسۋ ءۇشىن شەتەلدەن ارنايى كەلگەندەر بار.
ءقازىر مەگوپوليستە اۋەسقوي ۆەلوسپورتشىلار مەن ۆەلوكلۋبتار سانى ارتىپ كەلەدى. مۇنى بۇگىنگى شارادان بايقاۋعا بولادى. 32 جانە 52 شاقىرىمعا شىققاندار دا مارەنى ءساتتى باعىندىردى.