رەسپۋبليكانىڭ وڭتۇستىگىندە كۇندىز شاڭدى داۋىل بولجانادى
«قازگيدرومەت» رمك 8 ماىزعا ارنالعان اۋا رايى بولجامىن جاريالادى، دەپ حابارلايدى Almaty-akshamy.kz.
8 تامىزدا اتموسفەرالىق فرونتالدى بولىكتەردىڭ وتۋىمەن ەلىمىزدىڭ وڭتۇستىك جارتىسى مەن سولتۇستىگىندە جاڭبىر جاۋادى.
كۇندىز سولتۇستىكتە جانە وڭتۇستىك-شىعىستىڭ تاۋلى اۋداندارىندا قاتتى جاڭبىر جاۋادى، سونداي-اق نايزاعاي، ەكپىندى جەل، بۇرشاق پەن داۋىل كۇتىلەدى.
قازاقستاننىڭ قالعان بولىكتەرىندە دۇيسەنبى جاۋىن-شاشىنسىز وتەدى. اتاپ ايتقاندا، تاڭەرتەڭ جانە كۇندىز قاراعاندى وبلىسىنىڭ باتىسىندا، سولتۇستىگىندە، شىعىسىندا، كۇندىز اقمولا وبلىسىنىڭ شىعىسىندا، جامبىل، تۇركىستان وبلىستارىنىڭ تاۋلى اۋداندارىندا قاتتى جاڭبىر جاۋادى.
كۇندىز باتىس قازاقستان وبلىسىندا قاتتى ىستىق كۇتىلەدى، اتىراۋ وبلىسىندا قاتتى ىستىق ساقتالادى.
قىزىلوردا وبلىسىنىڭ باسىم بولىگىندە، تۇركىستان وبلىسىنىڭ وڭتۇستىگىندە، شىعىسىندا، اتىراۋ وبلىسىنىڭ سولتۇستىگىندە توتەنشە ءورت ءقاۋپى كۇتىلەدى.