قازاقستان رەسپۋبليكاسىنىڭ توتەنشە جاعدايلار مينيسترلىگى (تجم) توتەنشە جاعدايلاردىڭ الدىن الۋ جانە جويۋ جۇيەسىن نىعايتۋ ماقساتىندا 2023-2027 جىلدارعا ارنالعان كەشەندى جوسپارعا سايكەس 11 جاڭا اۋە كەمەسىن ساتىپ الۋدى جوسپارلاپ وتىر. بۇل شارالار ق ر پرەمەر-مينيسترى ولجاس بەكتەنوۆ قول قويعان قاۋلىعا سايكەس جۇزەگە اسىرىلادى.
بۇل شەشىم 2023 جىلدىڭ قاڭتار ايىندا سەيسميكالىق قاۋىپسىزدىك ماسەلەلەرى جونىندەگى كەڭەستە مەملەكەت باسشىسى قاسىم-جومارت توقايەۆتىڭ بەرگەن تاپسىرمالارىن ورىنداۋ شەڭبەرىندە قابىلداندى. اۋە كەمەلەرىن ساتىپ الۋ قارجى ليزينگى تەتىگى ارقىلى جۇزەگە اسىرىلادى، ال قاجەتتى 24،8 ميلليارد تەڭگە رەسپۋبليكالىق بيۋدجەتتەن 2027 جىلعا دەيىن كەزەڭ-كەزەڭىمەن بولىنەدى.
جاڭا اۆياسيالىق تەحنيكانىڭ تجم ماتەريالدىق-تەحنيكالىق بازاسىنا قوسىلۋى قۇتقارۋ وپەراسيالارىن جەتۋ قيىن جەرلەردە جۇزەگە اسىرۋدى جەڭىلدەتەدى، سونىمەن قاتار سۋ تاسقىنى جانە ءورت ءقاۋپى بار كەزەڭدەردە مونيتورينگ تيىمدىلىگىن ارتتىرۋعا مۇمكىندىك بەرەدى.