اتالعان شارا 11 411 مۇگەدەكتىگى بار ادامدى قامتيدى.
قازاقستاندا تج رەجيمىنىڭ ەنگىزىلۋىنە بايلانىستى ق ر ەڭبەك جانە حالىقتى الەۋمەتتىك قورعاۋ مينيسترلىگى (بۇدان ءارى – ەڭبەكمينى) 2021 جىلعى 5 جەلتوقساننان باستاپ 2022 جىلعى 19 قاڭتارعا دەيىنگى كەزەڭدە مۇگەدەكتىكتى قايتا كۋالاندىرۋ مەرزىمى باستالعان ازاماتتار ءۇشىن مۇگەدەكتىگى بويىنشا مەملەكەتتىك جاردەماقىلاردى تولەۋ اۆتوماتتى تۇردە ۇزارتىلدى، دەپ حابارلايدى Almaty-akshamy.kz ق ر ەڭبەك جانە الەۋمەتتىك قورعاۋ مينيسترلىگىنە سىلتەمە جاساپ.
سونداي-اق، تولەمدەردى ۇزارتۋ مۇگەدەك بالالارعا جانە I توپتاعى مۇگەدەكتەرگە كۇتىم جاسايتىن 3 089 ادامدى قامتيدى.
سونىمەن قاتار، قازاقستاندا 2021 جىلعى 5 جەلتوقساننان باستاپ اعىمداعى جىلعى 19 قاڭتارعا دەيىنگى كەزەڭدە كامەلەتكە تولعان 18 جاسقا دەيىنگى مۇگەدەك بالالارعا كۇتىم جاساۋدى جۇزەگە اسىراتىن 373 جاردەماقى الۋشى بار.
بۇدان باسقا، بازالىق جانە ىنتىماقتى زەينەتاقى تولەمدەرىن، مەملەكەتتىك الەۋمەتتىك جاردەماقىنى، مەملەكەتتىك ارنايى جاردەماقىنى، مەملەكەتتىك الەۋمەتتىك ساقتاندىرۋ قورىنان تولەنەتىن الەۋمەتتىك تولەمدەردى تاعايىنداۋعا قۇقىعى بار جانە تولەمدەردى تاعايىنداۋعا ۋاقىتىندا ءوتىنىش جاساپ ۇلگەرمەگەن ازاماتتارعا ەڭبەكمينى تج رەجيمى قولدانىلاتىن كەزەڭدە جانە ول اياقتالعاننان كەيىن ءبىر اي ىشىندە ءوتىنىش بەرۋ مۇمكىندىگىن بەردى. كورسەتىلگەن تولەمدەردى تاعايىنداۋ تاعايىنداۋ ءۇشىن نەگىزدەر تۋىنداعان كۇننەن باستاپ جۇزەگە اسىرىلاتىن بولادى.
ەستەرىڭىزگە سالا كەتسەك، 2020 جىلى دا توتەنشە جاعداي رەجيمى مەن شەكتەۋ شارالارى كەزەڭىندە زەينەتاقى مەن جاردەماقى تاعايىنداۋعا قۇقىعى بار تۇلعالارعا قاجەتتى قۇجاتتاردىڭ سكان-كوشىرمەلەرىن قوسا بەرە وتىرىپ، «ەلەكتروندىق ۇكىمەت» پورتالىنداعى ەلەكتروندىق وتىنىشتەر سەرۆيسى ارقىلى ءوتىنىش بەرۋ مۇمكىندىگى بەرىلگەن بولاتىن.
بۇدان باسقا، شەكتەۋلەر قولدانىلعان كەزەڭدە قايتا كۋالاندىرۋ مەرزىمى باستالعان مۇگەدەك ادامدارعا مۇگەدەكتىگى بويىنشا مەملەكەتتىك جاردەماقىلاردى تولەۋ اۆتوماتتى تۇردە ۇزارتىلدى.