لاڭكەستەردىڭ وعىنان العان جاراقاتىنان 35 جاستاعى ايەل كوز جۇمدى.
باقىتجان ساعىنتايەۆ شىن جۇرەكتەن كوڭىل ايتىپ، كوپ بالالى وتباسىنا تۇرعىن ءۇي ءبولۋ ماسەلەسىن باقىلاۋعا الدى، دەپ حابارلايدى Almaty-akshamy.kz
5 قاڭتار كۇنى كەشكە جانار وتەگەنوۆا قالاداعى كەلەڭسىز جاعدايعا قاراماستان، كوشەگە شىعۋعا ءماجبۇر بولعان. ويتكەنى ونىڭ جاڭا تۋعان سابيىنە شۇعىل تۇردە دارى-دارمەك كەرەك ەدى.
جاناردىڭ جۇبايى نۇرسۇلتان بۇركىتبايەۆ 2014، 2017، 2019 جانە 2021 جىلدارى تۋىلعان ءتورت بالاسىمەن قالدى.
ەرلى-زايىپتىلار بالالارىمەن جالعا الىنعان ۋاقىتشا باسپانادا تۇردى.
بۇگىن قالا اكىمى باقىتجان ساعىنتايەۆ نۇرسۇلتان بۇركىتبايەۆپەن كەزدەسىپ، ونىڭ زايىبىنىڭ قايتىس بولۋىنا بايلانىستى كوڭىل ايتتى. سونداي-اق، ونىڭ تۇرعىن ءۇي جاعدايىن جاقسارتۋعا كومەك كورسەتۋ تۋرالى ءوتىنىشىن جەكە باقىلاۋىنا الدى.