ءانشى تورەعالي تورەالى ەسىرتكىگە ماس كۇيىندە كولىك قۇرالىن باسقارعانى ءۇشىن اكىمشىلىك جاۋاپكەرشىلىككە تارتىلدى.
الماتى قالاسىنىڭ اكىمشىلىك قۇقىق بۇزۋشىلىقتار جونىندەگى مامانداندىرىلعان اۋدانارالىق سوتىندا وزگە كولىك قۇرالدارىنا زاقىم كەلتىرۋگە اكەلىپ سوققان ەسىرتكىگە ماس كۇيىندە كولىك قۇرالىن باسقارۋ فاكتىسى (ق ر اقبتك 608-بابى 3-بولىگى) بويىنشا ازامات ا-عا قاتىستى اكىمشىلىك ءىس قارالدى، دەپ حابارلايدى Almaty-akshamy.kz Zakon.kz-كە سىلتەمە جاساپ.
سوت 2023 جىلدىڭ 14 ماۋسىمىندا كولىك رولىندەگى ازامات ا. ماس كۇيىندە پاترۋلدىك كولىكتى قاققانىن انىقتادى. اپات سالدارىنان اۆتوكولىكتەرگە مەحانيكالىق زاقىم كەلدى.
سوت وتىرىسىندا قۇقىق بۇزۋشى ءىس ماتەريالدارىندا باياندالعان فاكتىلەردى راستاپ، وكىنىش ءبىلدىردى.
«ق ر اقبتك-نىڭ 608-بابىنىڭ 3-بولىگىندە كوزدەلگەن اكىمشىلىك قۇقىق بۇزۋشىلىق جاساعانى ءۇشىن سوت قاۋلىسىمەن ا. كىنالى دەپ تانىلدى. وعان 7 جىل مەرزىمگە كولىك قۇرالىن باسقارۋ قۇقىعىنان ايىرا وتىرىپ، 20 تاۋلىك مەرزىمگە قاماۋعا الۋ تۇرىندە اكىمشىلىك جازا قولدانىلدى»، - دەپ حابارلادى الماتى قالالىق سوتىنىڭ باسپا ءسوز قىزمەتى.