الماتىدا كۇتۋشى ازامات ەمدەلۋشىنىڭ اقشاسىن جىمقىرعان

الماتىدا مەديسينالىق ورتالىقتاردىڭ بىرىنە كۇتۋشى بولىپ كىرگەن ازامات ەمدەلۋشىنىڭ 2 ملن تەڭگەسىن جىمقىرعان، دەپ حابارلايدى Almaty-akshamy.kz.

Polisia.kz اقپاراتى بويىنشا، 32 جاستاعى ر.ەسىمدى ازامات ۇرلىق جاسادى دەگەن كۇدىككە ىلىنگەن. كۇدىكتى ۇساق-تۇيەككە دەيىن ەسەپتەگەن، ءاربىر قادامىن الدىن الا ويلاستىرىعان. ر.ەسىمدى ازامات مەديسينالىق ورتالىقتاردىڭ بىرىنە كۇتۋشى بولىپ جۇمىسقا ورنالاسىپتى.

ونىڭ ۇستىنە، ول بۇل بوس ورىندى جۇمىسپەن قامتۋ اگەنتتىگى ارقىلى تاپقان-مىس. ال “قولايلى” ەمدەلۋشى بىردەن تابىلدى. ءبارىن كەيىنگە قالدىرماي، ىسكەر ازامات ارەكەتكە كىرىستى. جابىرلەنۋشىنىڭ سوڭىنان ەرگەن “كۇتۋشى” ناۋقاستىڭ تەلەفونىندا قۇپيا ءسوزدىڭ جوقتىعىنا كوز جەتكىزىپ، قولايلى ءساتتى پايدالانىپ، بانكتىك قوسىمشاسىن اشىپ، ناۋقاستىڭ شوتىنان ءوز ەسەبىنە 2 ملن تەڭگە كولەمىندە قاراجات اۋدارعان.

«جەدەل-ىزدەستىرۋ شارالارى بارىسىندا كۇدىكتى ۇستالدى. 1991 جىلى تۋعان ر.ەسىمدى ازامات ءوز كىناسىن مويىنداپ، قىلمىسقا قاتىسى بارىن راستادى. ق ر قك-نىڭ 188-بابى 3-بولىگى بويىنشا قىلمىستىق ءىس تىركەلدى. ۇستالعان ادامنىڭ جەكە باسى باسقا دا ىقتيمال قىلمىستىق قۇقىق بۇزۋشىلىقتارعا قاتىسى بار-جوعىنا تەكسەرىلۋدە. ءىستىڭ تولىق جانە جان-جاقتى تەرگەلۋىن قامتاماسىز ەتۋگە باعىتتالعان ءبىرقاتار تەرگەۋ ارەكەتتەرى جۇرگىزىلۋدە، ناتيجەسىندە پروسەسسۋالدىق شەشىم قابىلداناتىن بولادى»، – دەدى اۋەزوۆ اۋداندىق پوليسيا باسقارماسىنىڭ باستىعى ۇلان ءابىلقايىر.