توقتامىس مەڭدىباي: حالىقتىڭ جاعدايىن كوتەرۋ شارالارىن الدىن الا جوسپارلاۋىمىز كەرەك

گەولوگ مامان ۇكىمەتتىڭ كەڭەيتىلگەن وتىرىسىندا مەملەكەت باسشىسىنىڭ ايقان سوزىنە قاتىستى ءوز پىكىرىن ءبىلدىردى.

گەولوگيا سالاسىنىڭ مامانى توقتامىس مەڭدىباي مۇناي ءوندىرۋ ءتيىمسىز، پايداسىنان شىعىنى كوپ.سول سەبەپتەن مەملەكەت ازاماتتارىن بولاشاقتا جۇمىسپەن قامتاماسىز ەتى ءۇشىن الدىن الا جوسپار جاساۋ كەرەكتىگىن ايتادى، دەپ حابارلايدى Almaty-akshamy.kz.

مەملەكەت باسشىسى حالىقتىڭ تابىسى ورتاشا رەسپۋبليكالىق دەڭگەيگە جەتپەيدى، ءبىرقاتار وڭىردە ءتىپتى ازايىپ، مينۋسقا كەتكەن دەدى. اكىمدەر جىل سايىن ءار 10 مىڭ ادامعا 100 جاڭا جۇمىس ورنىن اشۋى كەرەك ەدى، ءبىراق بۇل باعىتتا دا ناتيجە جوق. جۇرت مۇناي وندىرەتىن كومپانيالارعا جۇمىسقا تۇرعىزۋدى ءجيى تالاپ ەتەتىن بولعان. ءبىراق پرەزيدەنت جاڭاوزەندەگى كەن ورىندارىنىڭ كوبى سارقىلىپ جاتقانىن اشىق ايتتى. گەولوگيا سالاسىنىڭ مامانى توقتامىس مەڭدىباي دا مۇناي ءوندىرۋ ءقازىر ءتيىمسىز، حالىقتىڭ جاعدايىن كوتەرۋ شارالارىن الدىن الا جوسپارلاۋىمىز كەرەك دەيدى.

«مۇناي بولسىن، ءتۇستى مەتالل، التىن بولسىن ءبارى كەڭەس كەزىندە زەرتتەلگەن. ءقازىر ولاردىڭ ءبارى سارقىلۋعا دايىن. بارلىعى دەرلىك ونىڭ ىشىندە جاڭاعى جاڭاوزەن، تەڭىزشيەۆرويل بولسىن، قاشاعاننان باسقاسىنىڭ ءبارىنىڭ قورى سارقىلۋعا تاياۋ. ەندى ارى قاراي مۇناي ءوندىرۋ ءتيىمسىز، پايداسىنان شىعىنى كوپ. ال ول جەردە قانشا ادام وتىر. ولار ەرتەڭ نەمەن اينالىسادى؟ وسىنىڭ ءبارى الدىن الا جوسپارلانىپ، بۇگىننەن باستاپ قابىلدانۋى ءتيىس ەمەس پە»، – دەدى تەحنيكا عىلىمدارىنىڭ دوكتورى توقتامىس مەڭدىباي.