الماتىنىڭ «اباي» الاڭىندا تۋرنيككە تارتىلۋدان Tartyl Fest رەسپۋبليقالىق فەستيۆالى ءوتىپ جاتىر. بۇل شارا ق ر پرەزيدەنتىنىڭ جانىنداعى «دارا» تالانتتاردى قولداۋ قورى مەن الماتى اكىمدىگى قولداۋىمەن العاش رەت وتكىزىلىپ وتىر.
Tartyl Fest فەستيۆالىن وتكىزۋدىڭ باستى ماقساتى – مەملەكەت باسشىسىنىڭ تاپسىرماسى بويىنشا جاستار مەن جاسوسپىرىمدەر اراسىندا سپورتتى دامىتۋ، سپورتپەن شۇعىلداناتىن تۇرعىندار سانىن ارتتىرۋ، سالاۋاتتى ءومىر سالتىن قالىپتاستىرۋ.
«اباي» الاڭىندا ساعات 9:00-دەن باستاپ قاتىسۋشىلاردىڭ سالماعى ولشەنىپ، ولارعا نومىرلەر بەرىلدى. فەستيۆالگە قاتىسۋشىلارعا ءبىر عانا تالاپ قويىلادى، ياعني ەرەجەگە ساي قاتىسۋشىلار اراسىندا تۋرنيككە ەڭ كوپ تارتىلۋ. سايىسشىلار سالماعى مەن جاسىنا بايلانىستى 9 ساناتتا جارىسادى. جارىس رەسمي تورەشىلەر القاسىنىڭ قاتىسۋىمەن وتەدى.
سايىسقا 55 كگ مەن 80 كگ ارالىعىندا 18 جاسقا دەيىنگى جاسوسپىرىمدەر قاتىسادى. سونداي-اق 80 كگ مەن 90 كگ جوعارى 30 جاستان اسقان ەرەسەكتەر دە قاتىسا الادى.
فەستيۆال 10 شىلدە مەن 6 قىركۇيەك ارالىعىندا ەلىمىزدىڭ 20 قالاسىندا وتەدى. ءار قالادا 27 جەڭىمپاز تاڭدالادى.
ايتا كەتەيىك، بۇل شارا الماتى قالاسىندا وتە بەلسەندى تۇردە وتۋدە. ويتكەنى قاتىسۋشىلار سانى جونىنەن الماتى كوش باستاپ تۇر. قالالىقتار تاڭەرتەڭ ەرتە كەلىپ، سالماقتارىن ولشەتىپ، سايىسقا قاتىسۋعا نيەتى جوعارى ەكەنىن بايقاتتى. فەستيۆالگە الماتىلىقتار وتە كوپ جينالعان.
ەسكە سالايىق، ءبىرىنشى ورىن جەڭىمپازىنا 200 مىڭ تەڭگە اقشالاي سىيلىق، ەكىنشى ورىن ءۇشىن – 100 مىڭ تەڭگە، ءۇشىنشى ورىن ءۇشىن – 50 مىڭ تەڭگە بەرىلەدى.
وڭىرلەردەن ىرىكتەلگەن جەڭىمپازدار استانادا وتەتىن گراند-فينالعا قاتىسادى، جۇلدە قورى – 54 ملن تەڭگە. ال جارىس چەمپيونى Street Workout بويىنشا الەمدىك چەمپيوناتقا قازاقستاننان جولداما الادى.