سەمەي قالاسىندا اباي كۇنىنە وراي جەرلەستەر فورۋمى وتەدى، دەپ حابارلايدى Almaty-akshamy.kz Inform.kz-كە سىلتەمە جاساپ.
ءوڭىر اكىمدىگىنىڭ مالىمەتىنە سۇيەنسەك، اباي وبلىسىنىڭ اكىمى نۇرلان ۇرانحايەۆ جەرگىلىكتى كاسىپكەرلەر قاۋىمىمەن كەزدەستى. ول ءوز سوزىندە سەمەيدەن شىققان كاسىپكەرلەرمەن تۇراقتى تۇردە كەزدەسىپ تۇرۋ يدەياسىن جەتكىزدى.
«10 تامىزدا ابايدىڭ تۋعان كۇنىن اتاپ وتەمىز. بۇل ۇلى اقىننىڭ اتىمەن اتالاتىن وبلىستىڭ قۇرىلعاننان كەيىن حاكىمگە كورسەتەتىن العاشقى قۇرمەتى بولماق. سوندىقتان بۇل مەرەكە ەستە قالارلىقتاي وتكەنىن قالايمىز. وسى رەتتە، سەمەي ءوڭىرىنىڭ تۋمالارىنىڭ باسى قوسىلاتىن جەرلەستەر فورۋمىن وتكىزۋدى ۇسىنامىز»، - دەدى نۇرلان ۇرانحايەۆ.
ايماق باسشىسى وندا ءتۇرلى سالادا جەتىستىكتەرگە جەتكەن، تۋعان قالاسىنا دەگەن سۇيىسپەنشىلىگى مەن جاڭا ءوڭىردىڭ دامۋىنا اتسالىسۋعا نيەتى بار ءىرى بيزنەس وكىلدەرى شاقىرىلاتىنىن اتاپ ءوتتى. قازىرگى ۋاقىتتا كەزدەسۋگە قاتىسۋشىلاردىڭ ءتىزىمى جاسالىپ جاتىر. كاسىپكەرلەر شاقىرىلاتىن ادامداردى وزدەرى ۇسىنىپ، الداعى فورۋمدى ۇيىمداستىرۋعا بەلسەنە قاتىسا الادى.