توقايەۆتىڭ جاقتاستارى ماڭعىستاۋ وبلىسىنىڭ سايلاۋشىلارىمەن كەزدەستى

پرەزيدەنتتىككە كانديدات قاسىم-جومارت توقايەۆتىڭ رەسپۋبليكالىق قوعامدىق شتابىنىڭ سايلاۋشىلارمەن كەزدەسۋى ماڭعىستاۋ وبلىسىندا جالعاستى.
«Zhamal-ai LTD» ارنايى كيىم جانە اياق كيىم وندىرەتىن فابريكاعا بارعان قاسىم-جومارت توقايەۆتىڭ جاقتاستارى كاسىپورىن ۇجىمىنا كانديداتتىڭ سايلاۋالدى باعدارلاماسىندا كورسەتىلگەن بيزنەستى قولداۋ شارالارى تۋرالى ايتىپ بەردى. 
«پرەزيدەنت سايلاۋى – مەملەكەتىمىزدىڭ ودان ءارى دامۋ باعىتىن ايقىندايتىن ماڭىزدى قادام. 20 قاراشادا قازاقستاندىقتار سايلاۋ ۋچاسكەلەرىنە كەلىپ، ءوز تاڭداۋىن جاساۋ ارقىلى ساياسي مادەنيەتتىڭ جوعارى دەڭگەيىن كورسەتۋى ماڭىزدى»، - دەدى رقش مۇشەسى، قازاقستان ازاماتتىق اليانسىنىڭ پرەزيدەنتى بانۋ نۇرعازييەۆا.
بۇدان سوڭ شتاب مۇشەلەرى ءوڭىر جۇرتشىلىعىمەن سايلاۋالدى باعدارلاماداعى ايماقتىق كولىك جانە الەۋمەتتىك ينفراقۇرىلىمدى جاقسارتۋ بولىمىندەگى نەگىزگى باعىتتاردى تالقىلادى.
IT ماماندارمەن كەزدەسۋدە رقش مۇشەلەرى سايلاۋالدى باعدارلامانىڭ سيفرلاندىرۋعا ارنالعان بولىمىنە باسا نازار اۋداردى. 
سونىمەن قاتار، «قمگ ينجينيرينگ» الاڭىندا رقش مۇشەلەرى ءوڭىردىڭ مۇنايشىلارىمەن كەزدەسىپ، ولارعا سايلاۋالدى باعدارلامادا كوزدەلگەن ءقاۋىپسىز ەڭبەك ورتاسىن قۇرۋ جانە جۇمىسشىلاردىڭ  قۇقىعىن قورعاۋ جونىندەگى شارالار تۋرالى ايتىپ بەردى.
قالالىق يپپودرومدا شتاب مۇشەلەرىنىڭ سپورت وكىلدەرىمەن جانە جەرگىلىكتى «كوكمويناق» كومانداسىنىڭ شاباندوزدارىمەن كەزدەسۋى ءوتتى. جۇزدەسۋ بارىسىندا كانديداتتىڭ كاسىبي جانە ۇلتتىق سپورت تۇرلەرىن دامىتۋداعى، سالاۋاتتى ءومىر سالتىن ناسيحاتتاۋداعى باسىمدىقتارى تالقىلاندى.