بيىلدان باستاپ 1 جەلتوقسان – جۇمىس كۇنى.
تاۋەلسىزدىك مەرەكەسى تەك 16 جەلتوقساندا تويلانادى، دەپ حابارلايدى Almaty-akshamy.kz
بيىل جەلتوقساندا بۇرناعى جىلدارمەن سالىستىرعاندا، مەرەكە كۇندەرى ازايدى.
سونىمەن، 1 جەلتوقساندا اتاپ وتىلەتىن تۇڭعىش پرەزيدەنت كۇنى مەملەكەتتىك مەرەكەلەر قاتارىنان الىنىپ تاستالدى. بيىلدان باستاپ بۇل كۇن – جۇمىس كۇنى.
تاۋەلسىزدىك كۇنى بيىل تەك ءبىر كۇن – 16 جەلتوقساندا تويلانادى.
سونىمەن جەلتوقساندا تاۋەلسىزدىك كۇنى قارساڭىندا:
بەس كۇن جۇمىس ىستەيتىندەر – 16، 17، 18 جەلتوقسان (جۇما، سەنبى، جەكسەنبى)؛
التى كۇن جۇمىس ىستەيتىندەر – 16، 18 جەلتوقسان (جۇما، جەكسەنبى) دەمالادى.
جالپى جەلتوقسان ايىندا بەس كۇندىك جۇمىس اپتاسىندا 10 دەمالىس كۇنى، ال التى كۇندىك جۇمىس اپتاسىندا 5 دەمالىس كۇنى بار.
بيىلعى جاڭا جىل سەنبى (31 جەلتوقسان) جانە جەكسەنبى (1 قاڭتار) كۇندەرىنە سايكەس كەلەدى. ەكى كۇن دە قازاقستاندىقتار جۇمىس ىستەمەيدى.