پرەزيدەنتتىككە كانديدات قاراقات ابدەننىڭ تۇركىستان وبلىسىنداعى سايلاۋالدى ساپارى جالعاسۋدا.
بۇگىن ول تۇركىستان قالاسىنىڭ جۇرتشىلىعىمەن جۇزدەسىپ، ءوزىنىڭ سايلاۋالدى باعدارلاماسىن تانىستىردى. كەزدەسۋ بارىسىندا قوعامداعى وزەكتى سۇراقتار مەن تۋريزم سالاسىن دامىتۋ ماسەلەلەرى تالقىلاندى، دەپ حابارلايدى Almaty-akshamy.kz.
ق.ابدەن اتاپ وتكەندەي، تاريحي-مادەني ەسكەرتكىشتەر مەن مادەني مۇرا نىساندارى كوپ شوعىرلانعان تۇركىستان شاھارىنىڭ ءتۋريزمدى دامىتۋدا الەۋەتى زور.
«تۇركىستان – بارشا تۇركى حالىقتارىنا ورتاق، الەمگە ايگىلى قاسيەتتى جەر. ەجەلدەن-اق «ەكىنشى مەككە» دەپ اتانىپ كەتكەن قازاقتىڭ رۋحاني استاناسى كوپتەگەن ساياحاتتاۋشىلاردىڭ قىزىعۋشىلىعىنا يە بولىپ وتىر. تۇركىستاننىڭ تاريحي ماڭىزىن جانە وسى وڭىردە شوعىرلانعان كيەلى جەرلەردىڭ كوپ ەكەندىگىن ەسكەرە كەلە، الكوگولدى ىشىمدىكتەردى ساتۋدان باس تارتقان العاشقى قالالاردىڭ ءبىرى اتانۋىنا بارلىق مۇمكىندىكتەر بار»، - دەدى ق.ابدەن.
كەزدەسۋگە سونداي-اق وڭىرلىك تۋريزم سالاسىنىڭ وكىلدەرى قاتىسىپ، بۇل باعىتتىڭ وزەكتى سۇراقتارىن ورتاعا سالدى.
«بىزگە شەتەلدەن كوپ تۋريستەر كەلەدى، ءبىراق ىشكى تۋريزم نارىعىن دا دامىتۋ كەرەك. بۇل سالادا ءبىز تاريحي جانە ۇلتتىق قۇندىلىقتارعا كوپ كوڭىل ءبولىپ جۇرگەن كانديداتتىڭ باعىتىن قولدايمىز. بۇدان بولەك، ايماقتىڭ ينفراقۇرىلىمىن دا نازاردان تىس قالدىرماعان ءجون»، - دەپ ءبولىستى تۋريستىك كومپانيانىڭ وكىلى ءمولدىر مالىبەكوۆا.
ەسكە سالساق، ەلىمىزدە 20 قاراشا كۇنى كەزەكتەن تىس پرەزيدەنت سايلاۋى وتەدى. كانديدات ق.ابدەن ەل ايماقتارىن ارالاپ، 9 وبلىستا 30-دان استام كەزدەسۋ وتكىزدى. الداعى ۋاقىتتا ول جامبىل وبلىسى سايلاۋشىلارىمەن جۇزدەسەدى.