مەملەكەت باسشىسى قاسىم-جومارت توقايەۆ جۇڭگو حالىق رەسپۋبليكاسىنا مەملەكەتتىك ساپارمەن باردى، دەپ حابارلايدى Almaty-akshamy.kz اقورداعا سىلتەمە جاساپ.
ساپار بارىسىندا مەملەكەت باسشىسى قحر ءتوراعاسى سي سزينپينمەن كەلىسسوزدەر جۇرگىزەدى، ونىڭ ىشىندە ستراتەگيالىق ارىپتەستىكتى ودان ءارى نىعايتۋ، ساۋدا-ەكونوميكالىق، ينۆەستيسيالىق، كولىك-لوگيستيكا جانە ەنەرگەتيكا سالالارىنداعى ىنتىماقتاستىقتى كەڭەيتۋ، سونداي-اق مادەني-گۋمانيتارلىق بايلانىستاردى تەرەڭدەتۋ ماسەلەلەرى قاراستىرىلاتىن بولادى.
اقوردانىڭ باسپا ءسوز قىزمەتى قازاقستان پرەزيدەنتىنىڭ اۋەجايداعى كەزدەسۋىنىڭ سۋرەتتەرىن تاراتتى.
قاسىم-جومارت توقايەۆتى قىتايلىق مەكتەپ وقۋشىلارى قارسى الدى.
"18 مامىردا مەملەكەت باسشىسى قىتايدىڭ ءىرى كومپانيالارىنىڭ باسشىلارىمەن كەزدەسىپ، مەملەكەتتىك ساپارلار باعدارلاماسى اياسىندا ءبىرقاتار ءىس-شارالار وتكىزەدى، سونداي-اق الماتىدا قازاقستاننىڭ لوگيستيكالىق ورتالىعىنىڭ قۇرىلىسىن ىسكە قوسۋ راسىمىنە قاتىسادى"، - دەپ حابارلادى مەملەكەت باسشىسىنىڭ باسپا ءسوز قىزمەتى.
19 مامىردا قاسىم-جومارت توقايەۆ ورتالىق ازيا-قىتاي سامميتىنە قاتىسادى. سونداي-اق سيان قالاسىنداعى ەلىمىزدىڭ باس كونسۋلدىعىنىڭ سالتاناتتى اشىلۋىنا قاتىسۋ جوسپارلانۋدا.