الماتىدا ەڭبەك ينسپەكتورلارى جۇمىس بەرۋشىلەر اراسىندا 20،4 ملن تەڭگە سوماسىندا زاڭ بۇزۋشىلىقتاردى انىقتادى
قولدانىستاعى زاڭنامانى بۇزعانى ءۇشىن 112 زاڭدى تۇلعا اكىمشىلىك جاۋاپكەرشىلىككە تارتىلدى، بۇل تۋرالى وڭىرلىك كوممۋنيكاسيالار قىزمەتىنىڭ الاڭىندا الماتى قالاسى ەڭبەك ينسپەكسياسى باسقارماسىنىڭ باسشىسى – باس مەملەكەتتىك ەڭبەك ينسپەكتورى ەركىنبەك امىرعالييەۆ مالىمدەدى، دەپ حابارلايدى almaty-akshamy.kz
باسقارما جىل باسىنان بەرى 230 جوسپاردان تىس تەكسەرۋ جۇرگىزدى، تەكسەرىس بارىسىندا ەڭبەك زاڭناماسى نورمالارىنىڭ 294 زاڭ بۇزۋشىلىعى انىقتالىپ، بۇزۋشىلىقتاردى جويۋ تۋرالى 159 ۇيعارىم بەرىلدى.
"20،4 ملن تەڭگە سوماسىنا 112 زاڭدى تۇلعا اكىمشىلىك جاۋاپكەرشىلىككە تارتىلدى. جالاقىنى ۋاقتىلى تولەمەگەنى ءۇشىن 13،3 ملن تەڭگە سوماسىنا 82 زاڭدى تۇلعا اكىمشىلىك جاۋاپكەرشىلىككە تارتىلدى "، - دەدى سپيكەر.
ەڭبەك زاڭناماسىنىڭ نورمالارىن ءتۇسىندىرۋ ءۇشىن قالا كاسىپورىندارىندا 1 716 ادامنىڭ قاتىسۋىمەن 82 كەزدەسۋ وتكىزىلدى. 451 ازاماتقا ەڭبەك زاڭناماسىنىڭ نورمالارى بويىنشا تۇسىنىكتەمەلەر بەرىلدى.
177 كاسىپورىندا 116،4 ملن تەڭگە سوماسىنا جالاقى بويىنشا بەرەشەك وتەلدى، وسىلايشا 764 قىزمەتكەردىڭ ەڭبەك قۇقىقتارى قورعالدى.
"قالا كاسىپورىندارىندا جاسالعان 27 551 ۇجىمدىق شارتتىڭ (2023 جىلدىڭ باسىنان باستاپ 100 كد) مونيتورينگى مەن تىركەۋى جۇزەگە اسىرىلدى"، - دەپ تولىقتىردى سپيكەر.
قالا كاسىپورىندارىندا وندىرىسكە بايلانىستى 30 جازاتايىم وقيعا انىقتالىپ، تىركەلدى. زارداپ شەككەندەردىڭ سانى - 31، ونىڭ ىشىندە 4 ادام ءولىم قۇشتى، 9 ادام اۋىر جاراقات الدى ، ال 18 ادام جەڭىل جاراقات العان.
باس ەڭبەك ينسپەكتورىنىڭ دەرەكتەرى بويىنشا الماتىدا جۇمىس ىستەپ تۇرعان 113 916 كاسىپورىن بار، جالدامالى قىزمەتكەرلەر سانى - 897 925 ادامدى قۇرايدى.