قازاقستان پرەزيدەنتى قاسىم-جومارت توقايەۆ تۇركياعا رەسمي ساپارمەن بارعان ەدى. ول ساپار اياسىندا بىرنەشە كومپانيا باسشىسىمەن كەزدەستى، - دەپ حابارلايدى اqshamnews.kz ءتىلشىسى.
مەملەكەت باسشىسى YDA Holding باسقارما ءتوراعاسى حۋسەين ارسلاندى قابىلدادى.
قاسىم-جومارت توقايەۆقا YDA Holding كومپانياسىنىڭ قازاقستاندا ىسكە اسىرىلىپ جاتقان ينۆەستيسيالىق جوبالارى جونىندە مالىمەت بەرىلدى.
اتاپ ايتقاندا، تۇركيالىق حولدينگ تۇركىستان، استانا جانە پەتروپاۆل قالالارىندا كوپبەيىندى اۋرۋحانالار سالۋ جانە پايدالانۋ بويىنشا ءۇش جوبانى قولعا العان.
كومپانيا الداعى ۋاقىتتا استاناداعى YDA Industrial Park كوپسالالى ءوندىرىس كەشەنىن كەڭەيتىپ، سەندۆيچ-پانەلدەر شىعاراتىن زاۋىت سالۋدى باستايدى.
سونىمەن قاتار حۋسەين ارسلان كومپانيانىڭ اقتاۋدا ءمۋلتيمودالدى ترانزيت حابىن قۇرۋعا قاتىستى جوسپارىمەن ءبولىستى.
مەملەكەت باسشىسى حولدينگتىڭ قازاقستانعا ستراتەگيالىق تۇرعىدان قىزىعۋشىلىعىن جانە ەلىمىزدە جۇزەگە اسىرىپ جاتقان ينۆەستيسيالىق باستامالارىن جوعارى باعالادى.
قاسىم-جومارت توقايەۆ S Sistem Lojistik كومپانياسىنىڭ باسقارما ءتوراعاسى حۋسەين ءبارليندى قابىلدادى.
كەزدەسۋ بارىسىندا كومپانيامەن لوگيستيكا سالاسىندا ءوزارا ءتيىمدى ءارى ۇزاق مەرزىمدى سەرىكتەستىك ورناتۋ پەرسپەكتيۆاسى تالقىلاندى.
مەملەكەت باسشىسى ەلىمىزدى ەۋرازياداعى جەتەكشى ترانزيتتىك حابقا اينالدىرۋ ءۇشىن ورتا ءدالىزدى جان-جاقتى دامىتۋ جۇمىستارى باستالعانىن جەتكىزدى.
بۇل رەتتە قاسىم-جومارت توقايەۆ S Sistem Lojistik كومپانياسىنىڭ اقتوبە حالىقارالىق اۋەجايىندا لوگيستيكا ورتالىعىن قۇرۋ باستاماسىنا قولداۋ ءبىلدىردى. جوبا «قازپوشتا» اكسيونەرلىك قوعامىمەن بىرگە جۇزەگە اسىرىلادى.
حۋسەين بارلين جوبا اياسىندا اتقارىلىپ جاتقان جۇمىستار تۋرالى باياندادى. سونداي-اق كومپانيانىڭ الداعى ۋاقىتتا استانا، الماتى، شىمكەنت جانە اقتاۋ قالالارىندا دا لوگيستيكا ورتالىعىن كەڭەي
قاسىم-جومارت توقايەۆتىڭ ايتۋىنشا، لوگيستيكا ينفراقۇرىلىمىن كەشەندى تۇردە دامىتۋ وتە ماڭىزدى. مۇنىڭ ءبارى ترانزيت ۋاقىتىن قىسقارتۋعا جانە ەكسپورت ينفراقۇرىلىمىن جاقسارتۋعا مۇمكىندىك بەرەدى.
S Sistem Lojistik – تۇركيانىڭ لوگيستيكا سەكتورىنداعى جەتەكشى يننوۆاسيالىق ۇيىم. كومپانيا ىستانبۇل، انكارا، يزمير جانە انتاليا اۋەجايلارىندا، سونداي-اق باسقا دا جەرلەردە جالپى اۋماعى 100 مىڭ شارشى مەتر قويما جەلىسىن باسقارادى.
مەملەكەت باسشىسى Tiryaki Holding كومپانياسىنىڭ اتقارۋشى ديرەكتورى سۇلەيمەن تيرياكيوعلىنى قابىلدادى.
كەزدەسۋ بارىسىندا پرەزيدەنت قاسىم-جومارت توقايەۆ پەن Tiryaki Holding كومپانياسىنىڭ اتقارۋشى ديرەكتورى سۇلەيمەن تيرياكيوعلى اگروونەركاسىپ كەشەنى باعىتىنداعى ءوزارا ءتيىمدى جانە ۇزاقمەرزىمدى سەرىكتەستىك ماسەلەسىن تالقىلادى.
مەملەكەت باسشىسى كومپانيانىڭ استانا قالاسىنان بيداي مەن بۇرشاقتى تەرەڭ وڭدەۋ زاۋىتىن سالۋ تۋرالى شەشىمىنە قولداۋ ءبىلدىردى.
سۇلەيمەن تيرياكيوعلى اتالعان جوبا ەلىمىزدىڭ قايتا وڭدەۋ ونەركاسىبىن دامىتۋعا، زاماناۋي تەحنولوگيالاردى ەنگىزۋگە جانە جەرگىلىكتى مامانداردىڭ بىلىكتىلىگىن ارتتىرۋعا ىقپال ەتەتىنىن ايتتى.
كەزدەسۋدە قازاقستاننىڭ اۋىل شارۋاشىلىعى ونىمدەرىن تاسىمالداۋ ءۇشىن لوگيستيكانى ءتيىمدى ۇيىمداستىرۋ، قويما ينفراقۇرىلىمىن سيفرلاندىرۋ جانە ەليەۆاتورلاردى جاڭعىرتۋ ماسەلەلەرى قارالدى.
Tiryaki Holding ءداندى، مايلى داقىلدار، جەم-شوپ ءوندىرۋ جانە ەكسپورتتاۋ بويىنشا الەمدەگى كوشباسشى كومپانيالاردىڭ ءبىرى.
مەملەكەت باسشىسى Orzax Group باسقارما ءتوراعاسى سەلمان اليموعلىنى قابىلدادى.
الەمدەگى بيولوگيالىق بەلسەندى قوسپالار نارىعىندا كوشباسشىلاردىڭ ءبىرى سانالاتىن كومپانيا باسشىلىعىمەن كەزدەسۋدە بىرلەسكەن جوبالاردى جۇزەگە اسىرۋ ماسەلەسى قاراستىرىلدى.
قاسىم-جومارت توقايەۆ Orzax Group كومپانياسىنىڭ تۇركىستان وبلىسىندا بيولوگيالىق بەلسەندى قوسپالار وندىرەتىن زاۋىت سالۋ شەشىمىنە قولداۋ ءبىلدىرىپ، بۇل باستاما وتاندىق فارماسيەۆتيكا سالاسىن ءارتاراپتاندىرۋعا جانە ەلىمىزدىڭ ەكسپورتتىق الەۋەتىن ارتتىرۋعا ەلەۋلى ۇلەس قوساتىنىن اتاپ ءوتتى.
سەلمان اليموعلى كومپانيانىڭ قازاقستاندا وندىرىستىك بازانى كەڭەيتۋمەن عانا شەكتەلمەي، عىلىمي-زەرتتەۋ جانە يننوۆاسيا باعىتتارىن دا دامىتۋعا نيەتتى ەكەنىن جەتكىزدى.
بۇگىنگى تاڭدا Orzax Group بيولوگيالىق بەلسەندى قوسپالاردىڭ 150 ءتۇرىن ءوندىرىپ، الەمنىڭ 60 ەلىنە ەكسپورتتايدى. قازاقستانداعى ءوندىرىس جوباسىنا كومپانيا 40 ميلليون دوللار ينۆەستيسيا قۇيىپ، 500 ادامدى تۇراقتى جۇمىسپەن قامتۋدى جوسپارلاپ وتىر.