ەلىمىزدە كوپ ادام نەسيە الىپ، قارىزعا باتىپ ءجۇر.
مەملەكەت باسشىسى قاسىم-جومارت توقايەۆ جاقىن ارادا نەسيەگە قاتىستى ۇسىنىسىن جاريا ەتەتىنىن مالىمدەدى، دەپ حابارلايدى Almaty-akshamy.kz اقورداعا سىلتەمە جاساپ.
«مەن تاعى ءبىر كۇردەلى ماسەلەگە توقتالعىم كەلىپ وتىر. ەلىمىزدە كوپ ادام نەسيە الىپ، قارىزعا باتىپ ءجۇر. بۇل ماسەلە مەنى دە قاتتى تولعاندىرادى. تاياۋ ارادا مەن وسى ماسەلە بويىنشا ۇسىنىسىمدى حالىققا جاريالايمىن»، - دەدى پرەزيدەنت جەتىسۋ وبلىسىنىڭ جۇرتشىلىعىمەن كەزدەسۋىندە.
توقايەۆ مەملەكەتتىك قىزمەتشىلەردەن ءادىل بولۋدى تالاپ ەتتى.
«شىن مانىندە، ادىلدىك بولماسا، ەشبىر سالا دامىمايدى. حالقىمىز «ءادىل ءىستىڭ – ءبارى يگى» دەپ بەكەر ايتپاعان. قۇزىرلى ورگاندار، لاۋازىمدى تۇلعالار شەشىم قابىلداعاندا، وسىنى ءاردايىم ەستە ۇستاۋى ءتيىس.
ادىلەتسىز قابىلدانعان شەشىم بيلىكتىڭ بەدەلىن تۇسىرەدى. قوعامعا ىرىتكى سالىپ، حالىقتىڭ نارازىلىعىن تۋدىرادى. سوندىقتان، ەشقاشان ادىلدىكتەن اتتاۋعا بولمايدى. بارلىق مەملەكەتتىك قىزمەتشىدەن ءادىل بولۋدى تالاپ ەتەمىن. سوندا عانا ءبىز بەرەكەلى قوعام، مىقتى مەملەكەت بولامىز»، - دەدى مەملەكەت باسشىسى.
ايتا كەتەتىن جايت، 20 قازان كۇنى قازاقستان پرەزيدەنتى قاسىم-جومارت توقايەۆ جۇمىس ساپارىمەن جەتىسۋ وبلىسىنا باردى. مەملەكەت باسشىسى ساپار بارىسىندا ءوڭىر حالقىمەن كەزدەستى.