الەم بۇرىن-سوڭدى بولماعان جاھاندىق سىن-قاتەرلەر كەزەڭىندە تۇر.
مەملەكەت باسشىسى قاسىم-جومارت توقايەۆ الەمدەگى قازىرگى ساياسي احۋالعا توقتالىپ، حالىقتىڭ بىرلىگى ەلىمىزدىڭ ەگەمەندىگىنىڭ كەپىلى ەكەنىن باسا ايتتى، دەپ حابارلايدى Almaty-akshamy.kz.
ونىڭ سوزىنشە، حالقىمىزدىڭ بىرلىگى - ءبىزدىڭ باعا جەتپەس بايلىعىمىز ءارى ستراتەگيالىق ارتىقشىلىعىمىز. بۇگىندە الەم جوعارى گەوساياسي تۋربۋلەنتتىلىك پەن بۇرىن-سوڭدى بولماعان جاھاندىق سىن-قاتەرلەر كەزەڭىنە اياق باستى. قاقتىعىستار مەن سوعىستار كوبەيىپ، ەلدەر اراسىنداعى سەنىمسىزدىك كۇرت ارتتى.
«مۇنداي كۇردەلى كەزەڭدە حالقىمىزدىڭ بىرلىگى، قوعامداعى كەلىسىم مەن تۇراقتىلىقتى نىعايتۋدىڭ ماڭىزى ەرەكشە. بۇل – ەلىمىزدىڭ ودان ءارى ىلگەرىلەۋىنىڭ، سونداي-اق قازاقستاننىڭ اۋماقتىق تۇتاستىعىن ساقتاۋدىڭ، ەلىمىزدىڭ قاۋىپسىزدىگىن قامتاماسىز ەتۋدىڭ باستى شارتى»، - دەدى قاسىم-جومارت توقايەۆ.