بيىل 1630 قانداسقا ءتۇرلى قولداۋ شارالارى كورسەتىلگەن.
ەڭبەك مينيسترلىگىنىڭ 2023 جىلعى 1 جەلتوقسانداعى مالىمەتىنشە، 19 476 ەتنيكالىق قازاق قانداس مارتەبەسىن العان، دەپ حابارلايدى Almaty-akshamy.kz
مينيسترلىكتىڭ اقپاراتىنا ساي، 1991 جىلدان بەرى رەسپۋبليكامىزعا 1 ملن 126،5 مىڭ ەتنيكالىق قازاق ورالعان.
جىل باسىنان قازاقستانعا كەلگەن قانداستاردىڭ:
51،9%-ى وزبەكستاننان،
19،6%-ى قىتايدان،
10،8%-ى موڭعوليادان،
8،5%-ى تۇرىكمەنستاننان،
7،2%-ى رەسەيدەن،
2%-ى باسقا ەلدەن كەلگەن.
وسى جىلعى 1 جەلتوقسانداعى جاعداي بويىنشا ەڭبەككە قابىلەتتى جاستاعى ەتنيكالىق قونىس اۋدارۋشىلار سانى 60،5%، ەڭبەككە قابىلەتتى جاستان كىشى 30،9% جانە زەينەتكەرلەر 8،6% بولدى.
"ەڭبەككە قابىلەتتى جاستاعى قانداستاردىڭ ىشىنەن ءبىلىم دەڭگەيى بويىنشا 15،3%-ى جوعارى ءبىلىمدى، 33،6%-ى ورتا كاسىبي ءبىلىمدى، 42،8%-ى جالپى ورتا ءبىلىمدى، جانە 8،3%-نىڭ ءبىلىمى جوق"، دەلىنگەن ەڭبەك جانە حالىقتى الەۋمەتتىك قورعاۋ مينيسترلىگى تاراتقان اقپاراتتا.
ۆەدومستۆونىڭ مالىمەتىنشە، قونىس اۋدارعان ەتنيكالىق قازاقتار رەسپۋبليكانىڭ ءتۇرلى وڭىرلەرىنە قونىستانعان. سونىمەن بىرگە قانداستاردى قونىستاندىرۋ ءۇشىن مىناداي ەڭبەك كۇشى تاپشى وڭىرلەر انىقتالدى: اقمولا، اباي، قوستاناي، پاۆلودار، شىعىس جانە سولتۇستىك قازاقستان وبلىستارى.
قونىستاندىرۋ وڭىرلەرىندە 2023 جىلعا ارنالعان قانداستاردى قابىلداۋ كۆوتاسى 2 337 ادامدى قۇرايدى. 2023 جىلعى 1 جەلتوقسانداعى جاعداي بويىنشا قونىستاندىرۋ وڭىرلەرىنە 2 053 قانداس قونىس اۋداردى.
جوعارىدا اتالعان وڭىرلەردە قونىستانعان قانداستارعا كوشۋگە سۋبسيديا تۇرىندە مەملەكەتتىك قولداۋ شارالارى ۇسىنىلادى:
ءبىر مەزگىلدە وتاعاسىنا جانە وتباسىنىڭ ءاربىر مۇشەسىنە 70 اەك (241،5 مىڭ تەڭگە) مولشەرىندە؛
تۇرعىن ءۇي جالداۋعا جانە كوممۋنالدىق قىزمەتتەرگە اقى تولەۋگە – ءبىر جىل ىشىندە 15-تەن 30 اەك (51،7-دەن 103،5 مىڭ تەڭگەگە دەيىن) مولشەرىندە.
مينيسترلىكتىڭ دەرەگىنشە، جىل باسىنان بەرى 1630 قانداسقا ءتۇرلى قولداۋ شارالارى كورسەتىلدى. اتاپ ايتقاندا، 614 ادام تۇراقتى جۇمىسقا ورنالاستىرىلدى، 1630 ادام ءبىرجولعى سۋبسيديا الدى، ال 513 قانداسقا تۇرعىن ءۇي شىعىندارى سۋبسيديالاندى.
سونىمەن قاتار ەرىكتى قونىس اۋدارۋدىڭ تيىمدىلىگىن ارتتىرۋ ماقساتىندا ازاماتتاردى سولتۇستىك وڭىرلەرگە قونىس اۋدارۋعا قاتىساتىن جۇمىس بەرۋشىلەردى قولداۋ بويىنشا ينستيتۋسيونالدىق شارالار قابىلداندى. تۇرعىن ءۇي ساتىپ الۋ، سالۋ ءۇشىن نەمەسە يپوتەكالىق تۇرعىن ءۇي قارىزدارى بويىنشا باستاپقى جارنانىڭ ءبىر بولىگىن جابۋ ءۇشىن ەكونوميكالىق ۇتقىرلىق سەرتيفيكاتى تۇرعىن ءۇي قۇنىنىڭ 50%-ى نەمەسە ءبىر وتباسىنا 4 ملن تەڭگەگە دەيىن مولشەرىندە ءبىرجولعى وتەۋسىز جانە قايتارىمسىز نەگىزدە ەنگىزىلدى.
ۆەدومستۆو وسى جىلى پيلوتتىق رەجيمدە قازاقستان ەلشىلىكتەرى ارقىلى "ءبىر تەرەزە" قاعيداتى بويىنشا قانداس مارتەبەسىن بەرۋ تەتىگى ىسكە اسىرىلعانىن ەسكە سالدى. پيلوتتىق جوبا شەڭبەرىندە ەلىمىزگە بارۋ، جۇمىس ورنى، تۇرعىن ءۇي بەرۋ مۇمكىندىكتەرى تۋرالى ماسەلەنى شەشۋگە جانە رەسپۋبليكا اۋماعىنا كىرمەي-اق قانداس مارتەبەسىن الۋعا بولادى. بۇگىنگى تاڭدا رەسپۋبليكانىڭ شەت ەلدەردەگى مەكەمەلەرى ارقىلى ەتنيكالىق قازاقتاردان جاڭا فورماتتا 2 058 ءوتىنىش (690 وتباسى) قابىلداندى.