قاسىم-جومارت توقايەۆ شاحماتشى مەرۋەرت كاماليدەنوۆانى FIDE World Cup 2025 جارىسىنداعى جەتىستىگىمەن قۇتتىقتادى، - دەپ حابارلايدى اqshamnews.kz.
پرەزيدەنت گرۋزيانىڭ باتۋمي قالاسىندا ءوتىپ جاتقان الەم كۋبوگىنىڭ ىرىكتەۋ سايىسىندا بەلگىلى شاحمات شەبەرلەرىن قاپى قالدىرعان مەرۋەرت كاماليدەنوۆاعا قۇتتىقتاۋ جەدەلحاتىن جولدادى.
"مەملەكەت ءوزىڭىز سياقتى تالاپتى جاستارعا ءارقاشان قولداۋ كورسەتەدى. ەلىمىزدە بۇل ينتەللەكتۋالدى ويىن ءتۇرىن جاپپاي دامىتۋ ءۇشىن ناقتى شارالار قولعا الىندى. وسكەلەڭ ۇرپاق وزدەرىڭىزگە قاراپ بوي تۇزەيدى. ءاربىر جەڭىستەرىڭىز ولاردى جىگەرلەندىرەدى"، – دەپ جازىلعان جەدەلحاتتا.
مەملەكەت باسشىسى سپورتشىعا الداعى فينالدىق سايىستاردا ساتتىلىك تىلەدى.
ەسكە سالايىق، 19 جاستاعى مەرۋەرت كاماليدەنوۆا (2330) 1/32 فينالدا سەنساسيالىق جەڭىسكە قول جەتكىزدى. ول الەم چەمپيوناتىنىڭ ءفيناليسى، 2023 جىلعى الەم كۋبوگىنىڭ جەڭىمپازى، الەمدىك دەڭگەيدەگى گروسسمەيستەر الەكساندرا گورياچكينانى سەنساسيالىق تۇردە جەڭدى.