نيەۆزوروۆتار مۋزەيى – قازاقستانداعى كوركەمسۋرەت قۇندىلىقتارىن جيناقتاعان ءىرى مادەني نىسانداردىڭ ءبىرى
مەملەكەت باسشىسى قاسىم-جومارت توقايەۆ اباي وبلىسىنا جۇمىس ساپارى اياسىندا سەمەي قالاسىنداعى نيەۆزوروۆتار اتىنداعى بەينەلەۋ ونەرى مۋزەيىن ارالاپ كوردى، دەپ حابارلايدى Almaty-akshamy.kz اقورداعا سىلتەمە جاساپ.
نيەۆزوروۆتار مۋزەيى – قازاقستانداعى كوركەمسۋرەت قۇندىلىقتارىن جيناقتاعان ءىرى مادەني نىسانداردىڭ ءبىرى. مۋزەيدە ءتۇرلى باعىتتاعى 5 مىڭنان استام ەكسپونات بار.
اتاپ ايتساق، قازاقستان بەينەلەۋ ونەرى، XVIII عاسىر اياعى جانە XX عاسىر باسىنداعى ورىس ونەرى، XVI عاسىر اياعى جانە XX عاسىر باسىنداعى باتىس ەۋروپا كەسكىندەمەسى مەن گرافيكاسى، XX عاسىرداعى رەسەي، ورتالىق ازيا، گرۋزيا، ارمەنيا، بەلارۋس ونەرى.
پرەزيدەنتكە مۋزەيدىڭ تاريحى تانىستىرىلدى.
نيەۆزوروۆتار وتباسى اتىنداعى مۋزەي 1985 جىلى تاريحي-ولكەتانۋ مۋزەيىنىڭ عىلىمي-كوركەم ءبولىمى بولىپ قۇرىلعان. مۋزەي مارتەبەسى 1988 جىلى بەرىلدى.