ساياسي كەڭەس قۇرامى 13 ادامعا جاڭارتىلدى
قۇجاتتا باياندالعان باستامالار وسىعان دەيىن 300-دەن استام باستاۋىش پارتيا ۇيىمدارىنىڭ جينالىستارىندا جانە پارتيانىڭ سەگىز اۋداندىق فيليالىنىڭ پارتيالىق كونفەرەنسيالارىندا وڭ پىكىر تۋدىردى، دەپ حابارلايدى Almaty-akshamy.kz.
بۇگىن پارتيا قالالىق فيليالىنىڭ كەزەكتەن تىس ءححىح كونفەرەنسياسىنىڭ ءجۇز دەلەگاتى پرەزيدەنتتىك رەفورمالار باعىتىن ودان ءارى ىسكە اسىرۋعا وزدەرىنىڭ قولداۋى مەن دايىندىعىن ءبىلدىردى.
AMANAT پارتياسىنىڭ الماتى قالالىق فيليالىنىڭ ءتوراعاسى، مەگاپوليس اكىمى ەربولات دوسايەۆ جانە باسقا دا بەلدى پارتيا مۇشەلەرى ساياسي پلاتفورما جوباسىنىڭ يدەولوگيالىق باعىتتارىنا ەگجەي-تەگجەيلى توقتالدى. پارتيالىقتاردىڭ ايتۋىنشا، ۋاقىتتىڭ اعىمداعى سىن-تەگەۋرىندەرىنە، الەۋمەتتىك-ەكونوميكالىق جانە قوعامدىق-ساياسي ترەندتەرگە، ەل تۇرعىندارىنىڭ ءبىرىنشى كەزەكتەگى قاجەتتىلىكتەرىنە تولىق سايكەس كەلەدى.
پلاتفورما جوباسىن تانىستىرا وتىرىپ، سپيكەرلەر ءوز سوزدەرىندە دەپۋتاتتار، پىكىرلەستەر، ساراپشىلار قاۋىمداستىعى، عىلىمي جانە شىعارماشىلىق زيالى قاۋىم، سونداي-اق ءبىزدىڭ قالامىزدا تۇراتىن ازاماتتىق بەلسەندىلەر ەسكەرگەن نەگىزگى باستامالاردىڭ ماڭىزدىلىعىن اتاپ ءوتتى. بۇل رەتتە، ءوز قاتارىندا 52 مىڭ ادامنان تۇراتىن AMANAT پارتياسىنىڭ الماتى فيليالى پارتيالىقتار سانى بويىنشا بۇگىندە استانا مەن شىمكەنت مەگاپوليستەرى اراسىندا كوش باستاپ تۇر.
ءبىرقاتار ىشكى ۇيىمداستىرۋشىلىق ەرەكشەلىكتەردى، سونداي-اق پارتيانىڭ كەزەكتەن تىس ءححىV سەزىن ەسكەرە وتىرىپ، كونفەرەنسيا دەلەگاتتارى قالالىق فيليالدىڭ پارتيالىق ورگاندارىنا وزگەرىستەر ەنگىزۋگە داۋىس بەردى. مىسالى، ساياسي كەڭەس قۇرامى 13 ادامعا جاڭارتىلدى، ال ساياسي كەڭەس بيۋروسىنىڭ قۇرامىنا ءال-فارابي اتىنداعى قازۇۋ رەكتورى – جانسەيىت تۇيمەبايەۆ، الماتى قالاسى ءماسليحاتىنىڭ قوعامدىق دامۋ، مادەنيەت، سپورت، ءدىن جانە جاستار جونىندەگى كوميسسياسىنىڭ ءتورايىمى – ءاسيا اقانوۆا، ءماسليحاتتاعى AMANAT دەپۋتاتتىق فراكسياسىنىڭ جەتەكشىسى – سەرىك ەسماتوۆ جانە قالامىزدىڭ ەڭ جاس دەپۋتاتى – جانسايا ابدىمالىك كىردى.
الداعى 6 قازاندا استانادا وتەتىن AMANAT پارتياسىنىڭ ءححىV (جيىرما ءتورتىنشى) سەزىندە الماتى قالاسى اتىنان 40 دەلەگات قاتىسادى. ولاردىڭ قاتارىندا 9 دەلەگاتتىڭ عىلىمي دارەجەسى بار، ال 13 دەلەگات ءىرى باستاۋىش پارتيا ۇيىمدارىن باسقارادى.