قازاقستان پوليسياسىنىڭ بىرنەشە بۋىنىنا ۇستاز بولعان اڭىز ادام
1 قازان – حالىقارالىق قارتتار كۇنى مەرەكەسى قارساڭىندا الماتى قالاسىنداعى «قازاقستان» ساناتورييىندە ءىىم الماتى اكادەمياسى باسشىلىعىنىڭ قولداۋىمەن گەنەرال ماقان ەسبولاتوۆ اتىنداعى كىتاپحانا اشىلدى، دەپ حابارلايدى Almaty-akshamy.kz.
كىتاپحانانىڭ اشىلۋ سالتاناتىنا الماتى قالاسى پوليسيا دەپارتامەنتىنىڭ باستىعى جانە «گەنەرالدار كەڭەسىنىڭ» مۇشەلەرى قاتىستى.
م.ەسبولاتوۆ اتىنداعى كىتاپحانانىڭ لەنتاسىن الماتى قالاسى پوليسيا دەپارتامەنتىنىڭ باستىعى پوليسيا گەنەرال-مايورى ا. زاپپاروۆ پەن «قازاقستان ءساناتورييى» اكسيونەرلىك قوعامىنىڭ ءتوراعاسى گەنەرال-لەيتەنانت ب.سارسەكوۆ، الماتى اكادەمياسىنىڭ باستىعى پولكوۆنيك ا.سايتبەكوۆ قيدى.
الماتى قالاسى پد باستىعى ا.زاپپاروۆ پەن «قازاقستان ءساناتورييى» اق ءتوراعاسى ب.سارسەكوۆ قۇتتىقتاۋ ءسوز سويلەدى.
پد باستىعى كىتاپحانا قورىنا ق ر ىشكى ىستەر ءمينيسترى پوليسيا گەنەرال-لەيتەنانتى م.احمەتجانوۆتىڭ اتىنان «تاۋەلسىز قازاقستاننىڭ ىشكى ىستەر ورگاندارىنىڭ تاريحي جولى» اتتى كىتاپتى تارتۋ ەتتى.
«بۇگىنگى ءوتىپ جاتقان ءىس-شارا ءبىز ءۇشىن ۇلكەن قۋانىش. ىشكى ىستەر مينيسترلىگىنىڭ ەڭبەك سىڭىرگەن قىزمەتكەرى، گەنەرال-مايور ماقان ەسبولاتوۆ – قازاقستان پوليسياسىنىڭ بىرنەشە بۋىنىنا ۇستاز بولعان اڭىز ادام. قاراپايىم كۋرسانتتان ىشكى ىستەر مينيسترىنە دەيىنگى جولدان وتكەن ماقان ەسبولاتوۆتىڭ ەڭبەك جولىنىڭ جارقىن بەتتەرى – بۇگىنگى پوليسيا قىزمەتكەرلەرىنە ونەگە.
سوندىقتان دا ىشكى ىستەر مينيسترلىگىنىڭ وزىندىك تاريحى بار «قازاقستان» ساناتورييىندە گەنەرال-مايور ماقان ەسبولاتوۆ اتىنداعى كىتاپحانانىڭ اشىلۋى ءبىزدىڭ اكادەميا ءۇشىن زور مارتەبە»،-دەدى سالتاناتتى جيىندا ءسوز سويلەگەن م.ەسبولاتوۆ اتىنداعى الماتى اكادەمياسىنىڭ باستىعى پوليسيا پولكوۆنيگى ا.سايتبەكوۆ ءوز اتىنان كىتاپحانا قورىنا گەنەرال م.ەسبولاتوۆتىڭ ەڭبەك جولى تۋرالى جارىق كورگەن كىتاپتار تارتۋ ەتتى.