بۇرىنعى ريم پاپاسى XVI بەنەديكت 95 جاسىندا قايتىس بولدى.
قازاقستان پرەزيدەنتى قاسىم-جومارت توقايەۆ ريم پاپاسى فرانسيسككە كوڭىل ايتۋ جەدەلحاتىن جولدادى، دەپ حابارلايدى Almaty-akshamy.kz اقورداعا سىلتەمە جاساپ.
مەملەكەت باسشىسى ءوزىنىڭ جەدەلحاتىندا ريم پاپاسى XVI بەنەديكتتىڭ ومىردەن وزعانى تۋرالى سۋىت حاباردى تەرەڭ كۇيزەلىسپەن قابىل العانىن جەتكىزدى.
«كاتوليك شىركەۋىنىڭ بۇرىنعى كوشباسشىسىن الەمگە تانىمال رۋحاني قايراتكەر، بەيبىتشىلىك پەن ءوزارا تۇسىنىستىكتى، گۋمانيزم يدەيالارىن ىلگەرىلەتۋ جولىندا قاجىرلى ەڭبەك سىڭىرگەن ۇلى تۇلعا دەپ بىلەمىز. ادامزات بالاسىنا امانات ەتىلگەن قۇندىلىقتاردى قورعاۋعا ايتارلىقتاي ۇلەس قوسقان اسا قاسيەتتى XVI بەنەديكتتىڭ جارقىن بەينەسى الەم جۇرتشىلىعىنىڭ جادىندا ماڭگى ساقتالادى. قارالى ساتتە قايعىلارىڭىزعا ورتاقتاسىپ، قازاقستان حالقىنىڭ جانە جەكە ءوزىمنىڭ اتىمنان كۇللى كاتوليك قاۋىمىنا كوڭىل ايتامىن»، – دەپ جازىلعان جەدەلحاتتا.