نەسيە 21-دەن 35 جاسقا دەيىنگى جاستارعا تيەسىلى.
2023 جىلعى 1 قاڭتاردان باستاپ 2021-2025 جىلدارعا ارنالعان كاسىپكەرلىكتى دامىتۋ جونىندەگى ۇلتتىق جوبا اياسىندا جاستارعا جەڭىلدىكپەن شاعىن نەسيە بەرۋدىڭ جاڭا تەتىگى ەنگىزىلدى، دەپ حابارلايدى Almaty-akshamy.kz پرەمەر-مينيستردىڭ باسپا ءسوز قىزمەتىنە سىلتەمە جاساپ.
قاراجات بيزنەس اشقىسى كەلەتىن نە كاسىپكەرلىكپەن، ونىڭ ىشىندە تاۋار وندىرۋمەن نەمەسە ساتۋمەن، جۇمىس ورىنداۋمەن جانە قىزمەت كورسەتۋمەن، جەكە قوسالقى شارۋاشىلىقتا ءونىم وندىرۋمەن اينالىساتىن ازاماتتارعا كونكۋرستىق نەگىزدە ۇسىنىلادى.
شاعىن نەسيەلەر «اگرارلىق نەسيە كورپوراسياسى» اق ارقىلى بەرىلەدى.
سىياقىنىڭ نومينالدى مولشەرلەمەسى – جىلدىق 2،5%-دان اسپايدى، زايمنىڭ ەڭ جوعارى سوماسى – 5 ملن تەڭگەگە دەيىن، مەرزىمى – مال شارۋاشىلىعىن ەسەپكە الماعاندا، كەز كەلگەن ماقساتتار ءۇشىن 5 جىلعا دەيىن (7 جىلعا دەيىن).
جالپى، بۇل جوباعا 2023 جىلى 28 ملرد تەڭگەدەن استام قارجى قاراستىرىلعان. بۇل 5،7 مىڭنان استام جاستاردى قامتۋعا مۇمكىندىك بەرەدى.