بيىل ەكى ەل اراسىندا جوعارى دەڭگەيدەگى كوپتەگەن ءىس-شارا جوسپارلانعان.
قازاقستان پرەزيدەنتى قاسىم-جومارت توقايەۆ مامىر ايىندا قىرعىزستانعا بارادى، دەپ حابارلايدى Almaty-akshamy.kz
قىرعىزستان جوگوركۋ كەنەشىنىڭ سپيكەرى تالانت مامىتوۆتىڭ ايتۋىنشا، جوسپارلانعان ساپار قوس ەل اراسىنداعى ىنتىماقتاستىقتىڭ نىعايۋىنا قوسىمشا سەرپىن بەرەدى.
«بيىل جوعارى دەڭگەيدەگى كوپتەگەن ەكىجاقتى ءىس-شارا جوسپارلانعان. ونىڭ ىشىندە نەگىزگىسىنىڭ ءبىرى قازاقستان پرەزيدەنتى قاسىم-جومارت توقايەۆتىڭ 2022 جىلعى مامىردا قىرعىزستانعا ساپارى بولىپ سانالادى. بۇل ساپار ەكىجاقتى ىنتىماقتاستىقتى دامىتۋعا قوسىمشا سەرپىن بەرەتىنىنە سەنىمدىمىن»، - دەدى تالانت مامىتوۆ سەنات ءتوراعاسى ماۋلەن اشىمبايەۆپەن كەزدەسۋ بارىسىندا.