بۇل ەلدەگى ەپيدەميولوگيالىق جاعداي جاقسارا باستادى.
يسپانيادا بۇگىننەن باستاپ كوروناۆيرۋستىق ينفەكسيا تۇماۋ سياقتى ادەتتەگى ەندەميكالىق اۋرۋمەن تەڭەستىرىلەدى، دەپ حابارلايدى Almaty-akshamy.kz COVID-19 تارالۋىنا جول بەرمەۋ جونىندەگى ۆاك-تىڭ تەلەگرام كانالىنا سىلتەمە جاساپ.
سOVID-19 ينفەكسياسىن جۇقتىرعان جانە بەلگىلەرى بار ادامدار قالىپتى ءومىر سالتىن جالعاستىرا الادى جانە ۇيدە وقشاۋلاۋ رەجيمىن ساقتاۋ ول ءۇشىن مىندەتتى بولمايدى.
بۇرىنعى تالاپتار تەك قاۋىپ-قاتەر توبىنداعى ادامدارعا، ياعني 60 جاستان اسقان، يممۋنيتەتى السىرەگەن ادامدارعا، سونداي-اق جۇكتى ايەلدەر مەن مەديسينا قىزمەتكەرلەرىنە قاتىستى بولادى.
مۇنداي جاڭالىقتارعا قاراماستان، ەلدە جابىق قوعامدىق ورىنداردا، سونداي - اق قوعامدىق كولىكتەردە، اۆتوبۋستاردا، پويىزداردا، ۇشاقتاردا مەديسينالىق ماسكالار كيۋ مىندەتتى بولىپ قالا بەرەدى.
ال مەيرامحانالاردا ءبىر ۇستەلدەگى قوناقتار سانىنا شەكتەۋلەر بولادى. وتكەن جۇمادا Sars-CoV-2 تارالۋىنىڭ جەتى كۇندىك كورسەتكىشى 100 000 تۇرعىنعا شاققاندا ەل بويىنشا ورتا ەسەپپەن 227 بولدى.