بۇعان دەيىن باسقارمانىڭ جانىنان ءدىني اقپارات بەرۋ ورتالىعى اشىلعانىن حابارلاعانبىز.
بيىل رامازان ايىندا جاراپازان جىرىن جاتقا ايتۋدان سايىس ۇيىمداستىرىلماق، دەپ حابارلايدى Almaty-akshamy.kz
بۇل تۋرالى قازاقستان مۇسىلماندارى ءدىني باسقارماسىنىڭ ءتوراعاسى، ەلىمىزدىڭ باس ءمۇفتيى ناۋرىزباي قاجى تاعان ۇلى مالىمدەدى.
«جاراپازان – قاسيەتتى رامازان ايىنىڭ كەلگەنىن حابارلايتىن، حالىقتى ىزگىلىككە ۇندەيتىن جىر. جاراپازان ايتۋ – داستۇرىمىزدە بار جاقسى ءۇردىستىڭ، جاقسى عۇرىپتىڭ ءبىرى. قازاقستان مۇسىلماندارى ءدىني باسقارماسى رامازان ايىندا جاراپازان جىرىن جاتقا ايتۋشىلار اراسىندا ارنايى سايىستار ۇيىمداستىرۋدى جوسپارلاپ وتىر. وسى رەتتە يگى ءداستۇرىمىزدى بۇقارالىق سيپاتتا ناسيحاتتاۋ ءۇشىن اقپارات قۇرالدارى وكىلدەرىن ءدىني باسقارمانىڭ ىزگى باستامالارىنا اقپاراتتىق قولداۋ كورسەتۋگە ۇندەيمىن»، - دەدى ناۋرىزباي قاجى تاعان ۇلى.