بۇل – تاتۋلىق پەن تىنىشتىقتىڭ، تۇراقتىلىق پەن بەيبىتشىلىكتىڭ سيمۆولى سانالاتىن مەرەيلى مەرەكە.
مەملەكەت باسشىسى قاسىم-جومارت توقايەۆ قازاقستان حالقىن بىرلىك مەرەكەسىمەن قۇتتىقتادى، دەپ حابارلايدى Almaty-akshamy.kz اقورداعا سىلتەمە جاساپ.
ءقادىرلى وتانداستار!
قازاقستان حالقىنىڭ بىرلىگى كۇنى قۇتتى بولسىن!
بۇل – تاتۋلىق پەن تىنىشتىقتىڭ، تۇراقتىلىق پەن بەيبىتشىلىكتىڭ سيمۆولى سانالاتىن مەرەيلى مەرەكە.
قازاق جەرىن مەكەن ەتكەن سان الۋان ەتنوستىڭ مادەنيەتى، ءدىنى مەن ءداستۇرى ءوزارا ۇندەسىپ، بىرەگەي وركەنيەتكە اينالدى. بۇگىندە ەلىمىزدىڭ بارشا ازاماتتارى ءبىرتۇتاس ۇلت بولىپ ادىلەتتى قازاقستاندى قۇرىپ جاتىر. ىرىستى ىنتىماقتىڭ ارقاسىندا حالقىمىزدىڭ قۋاتى ارتا تۇسەدى. سوندىقتان ءبىز بىرلىگىمىزدى نىعايتۋعا بار كۇش-جىگەرىمىزدى جۇمىلدىرۋىمىز كەرەك. بۇل – ءاربىر ازاماتتىڭ مارتەبەلى مىندەتى ءارى پەرزەنتتىك پارىزى.
ەل بىرلىگى، اسىرەسە، قيىن-قىستاۋ ساتتەردە سىنالادى. بيىل ءبىز بۇرىن-سوڭدى بولماعان «الاپات تاسقىنمەن» بىرلەسە كۇرەسىپ جاتىرمىز. ءار ازاماتتىڭ بىر-بىرىنە تىلەۋلeستىگى ارقىلى بۇكىل ۇلتتىڭ تۇتاستىعىن تانىتا بىلدىك. قازاقستان حالقى تاريحتىڭ كۇردەلى كەزەڭىندە جۇرت بولىپ جۇمىلىپ، تابىسقا جەتە الاتىنىن تاعى دا دالەلدەدى.
حالقىمىز جاسامپازدىق پەن جاڭاشىلدىق، ەڭبەكقورلىق پەن ءبىلىمپازدىق، جاناشىرلىق پەن جاۋاپكەرشىلىك سياقتى اسىل قاسيەتتەرىنىڭ ارقاسىندا وسىپ-وركەندەي بەرەدى دەپ سەنەمىن.
بارشاڭىزعا زور دەنساۋلىق، تولاعاي تابىس تىلەيمىن!
ءار شاڭىراققا قۇت-بەرەكە دارىسىن!