تاراپتار ەكىجاقتى قاتىناستاردى ودان ءارى نىعايتۋعا مۇددەلى ەكەنىن تاعى دا راستادى.
پرەزيدەنت قاسىم-جومارت توقايەۆ پاكىستان پرەمەر-مينيسترى شاحباز شاريفپەن تەلەفون ارقىلى سويلەستى، دەپ حابارلايدى Almaty-akshamy.kz اقورداعا سىلتەمە جاساپ.
پاكىستان تاراپىنىڭ باستاماسى بويىنشا قاسىم-جومارت توقايەۆ پەن شاحباز شاريف تەلەفون ارقىلى سويلەستى. تاراپتار قازاقستان مەن پاكىستان اراسىنداعى ساۋدا-ەكونوميكالىق ىنتىماقتاستىقتىڭ پەرسپەكتيۆالارىن تالقىلادى.
سونداي-اق ەكى ەل اراسىنداعى ءوزارا ساۋدا-ساتتىقتىڭ قارقىندى دامىپ كەلە جاتقانى جانە ءتۇرلى سالاداعى ىنتىماقتاستىقتىڭ كەڭەيە تۇسكەنى اتاپ ءوتىلدى.
اڭگىمەلەسۋ سوڭىندا پرەمەر-مينيستر شاحباز شاريف پرەزيدەنت قاسىم-جومارت توقايەۆتى پاكىستانعا وزىنە ىڭعايلى كەز كەلگەن ۋاقىتتا رەسمي ساپارمەن كەلۋگە شاقىردى.