الماتىدا ۇلتتىق قۇرامانىڭ وقۋ-جاتتىعۋ جيىن ءوتتى

19-ماۋسىم كۇنى ءبىزدىڭ قۇراما سولتۇستىك يرلانديامەن وينايدى.

ماگومەد ادييەۆ جاتتىقتىراتىن قازاقستان ۇلتتىق قۇراماسى الماتىدا تۇگەلدەي جينالىپ، ورتالىق ستاديوندا العاشقى جاتتىعۋىن وتكىزدى، دەپ حابارلايدى Almaty-akshamy.kz

فۋتبولدان قازاقستان ۇلتتىق قۇراماسى ماۋسىم ايىندا 2024 جىلعى ەۋروپا چەمپيوناتىنىڭ ىرىكتەۋ ءتۋرنيرى اياسىندا سىرت الاڭدا سان-مارينو جانە سولتۇستىك يرلانديا قۇرامالارىمەن وينايدى.

ماسكەۋدىڭ سسكا كومانداسىندا وينايتىن باقتيەر زاينۋتدينوۆ عانا رەسەي كۋبوگىنىڭ فينالىنان كەيىن قاتارعا قوسىلادى.

قازاقستان قۇراماسى ماۋسىم ايىندا 2024 جىلعى ەۋروپا چەمپيوناتىنىڭ ىرىكتەۋ كەزەڭىندە سىرت الاڭدا ەكى ماچ وتكىزەدى. 16 ماۋسىم كۇنى ماگومەد ادييەۆ كومانداسى سان-مارينومەن يتاليانىڭ پارما قالاسىندا كەزدەسەدى. ويىن "ەننيو تارديني" ستاديونىندا ەلوردا ۋاقىتىمەن 00:45-تە باستالادى.

ال 19-ماۋسىم كۇنى ءبىزدىڭ قۇراما سولتۇستىك يرلانديامەن وينايدى. كەزدەسۋدىڭ باستالۋى استانا ۋاقىتىمەن 00:45-كە جوسپارلانعان. ماچ بەلفاست قالاسى، "ۋيندزور پارك" ستاديونىندا وتەدى.

فۋتبولدان قازاقستان ۇلتتىق قۇراماسىنىڭ باس باپكەرى ماگومەد ادييەۆ ماۋسىم ايىندا وتەتىن ەۋروپا چەمپيوناتىنىڭ ىرىكتەۋ كەزەڭىنە قاتىساتىن سوڭعى قۇرامدى جاريالادى. سونىمەن، سان-مارينو مەن سولتۇستىك يرلاندياعا قارسى ماچتاردا ۇلتتىق قۇراما ساپىندا كەلەسى ويىنشىلار ونەر كورسەتەدى:

قاقپاشىلار: شاسكيي، ۋستيمەنكو، شايزادا؛

قورعاۋشىلار: مالىي، ماروچكين، ءالىپ، بەيسەبەكوۆ، ەرلانوۆ، بىستروۆ، گابىشيەۆ، دوسماعامبەتوۆ، ۆوروگوۆسكيي، سكۆورسوۆ، قاسىم، تاپالوۆ؛

جارتىلاي قورعاۋشىلار: قۋات، دارابايەۆ، تاعىبەرگەن، استانوۆ، سامورودوۆ، زاينۋتدينوۆ، ورازوۆ، كەڭەسوۆ؛

شابۋىلشىلار: پروكوپەنكو، ايىمبەتوۆ، شۋشەناچيەۆ، ءشۆىروۆ.