توقايەۆ نوعايەۆتى قابىلدادى

وڭىردە 5،3 ميلليارد تەڭگەلىك جوبالار ىسكە قوسىلعان.

مەملەكەت باسشىسى ماڭعىستاۋ وبلىسىنىڭ اكىمىن قابىلدادى، دەپ حابارلايدى Almaty-akshamy.kz اقورداعا سىلتەمە جاساپ.

نۇرلان نوعايەۆ:

ماڭعىستاۋ وبلىسىنىڭ بيىلعى 7 ايداعى الەۋمەتتىك-ەكونوميكالىق دامۋ قورىتىندىلارى جانە الداعى جوسپارلارى تۋرالى باياندادى؛

وڭىردە جالپى سوماسى 5،3 ميلليارد تەڭگە بولاتىن 6 ينۆەستيسيالىق جوبا ىسكە قوسىلعانىن ايتتى؛

اۋىزسۋ تاپشىلىعىن شەشۋگە قاتىستى تاپسىرماسىنىڭ ورىندالۋ بارىسى تۋرالى مالىمدەدى. بۇل ماسەلەنى كەزەڭ-كەزەڭىمەن شەشۋ ءۇشىن وبلىستا 2025 جىلعا دەيىن 6 جوبا جۇزەگە اسىرىلاتىنىن، سونىڭ ناتيجەسىندە تۇشىتىلعان سۋدىڭ كولەمىن 146 مىڭ تەكشە مەترگە ارتتىرۋ مۇمكىن بولاتىنىن جەتكىزدى؛

اقتاۋ قالاسىنداعى تۇرعىن ۇي-كوممۋنالدىق شارۋاشىلىعىن جەتىلدىرۋ جونىندە ايتتى؛

ماڭعىستاۋ اتوم ەنەرگەتيكالىق كومبيناتىنا (ماەك) كۇردەلى جوندەۋ جۇرگىزۋ ماسەلەلەرى تۋرالى باياندادى:

       – ماەك-كە جوندەۋ جۇمىستارىن جۇرگىزۋ ءۇشىن بيىل 9،4 ميلليارد تەڭگە قارجى بولىنگەن. ونىڭ ىشىندە 6،8 ميلليارد تەڭگە ماەك-تىڭ ينۆەستيسيالىق باعدارلامالارى اياسىندا، ال 2،6 ميلليارد تەڭگە ماڭعىستاۋ وبلىسى اكىمدىگىنىڭ رەزەرۆىنەن بولىنگەن؛

       – پرەزيدەنتتىڭ تاپسىرماسى بويىنشا ۇكىمەت رەزەرۆىنەن قاجەتتى قوندىرعىلاردى ساتىپ الۋ ءۇشىن 4،9 ميلليارد تەڭگە قارجى قاراستىرىلعان.

مەملەكەت باسشىسى وبلىس اكىمىنە  ماڭعىستاۋ ءوڭىرى ەنەرگەتيكالىق جۇيەسىنىڭ ۇزدىكسىز جۇمىس ىستەۋىن قامتاماسىز ەتۋدى جانە ءوڭىردىڭ الەۋمەتتىك-ەكونوميكالىق دامۋىنىڭ كەشەندى جوسپارى اياسىنداعى مىندەتتەردى ىسكە اسىرۋدى تاپسىردى.