8 359 ادام گرانت يەلەنگەن.
جوعارى وقۋ ورىندارىنا قابىلداۋ 2023 جىلدىڭ 28 تامىزىنا دەيىن جالعاسادى، دەپ حابارلايدى Almaty-akshamy.kz عىلىم جانە جوعارى ءبىلىم مينيسترلىگىنە سىلتەمە جاساپ.
ماگيستراتۋراعا ءبىلىم بەرۋ گرانتتارىن تاعايىنداۋ جونىندەگى رەسپۋبليكالىق كوميسسيانىڭ جۇمىسى اياقتالدى.
"مەملەكەتتىك گرانت يەگەرلەرىنىڭ ءتىزىمى بۇگىن جاريالانادى"، - دەلىنگەن ۆەدومستۆونىڭ حابارلاماسىندا.
ءبىلىم بەرۋ گرانتتارىن تاعايىنداۋ كونكۋرسىنا قاتىسۋ ءۇشىن بارلىعى 14 612 ادام قاتىستى. ونىڭ 8 359-ى گرانت يەگەرى اتاندى.
مينيسترلىكتە مەملەكەتتىك ءبىلىم گرانتتارى رەسپۋبليكالىق كوميسسيانىڭ قورىتىندىسى بويىنشا تاعايىندالعانى اتاپ ءوتىلدى. ونىڭ قۇرامىنا پارلامەنت دەپۋتاتتارى، مينيسترلىكتىڭ، مۇددەلى مەملەكەتتىك ورگانداردىڭ، ءبىلىم بەرۋ سالاسىنداعى كاسىپوداقتاردىڭ، ۇلتتىق كاسىپكەرلەر پالاتاسىنىڭ جانە قوعامدىق ۇيىمداردىڭ وكىلدەرى كىردى.
ماگيستراتۋراعا گرانت يەگەرلەرىنىڭ ءتىزىمى بۇگىن مينيسترلىكتىڭ سايتىندا جانە Telegram-ارناسىندا جاريالانادى.