بۇگىن تاڭعى ساعات 07:13-تە الماتى قالاسى توتەنشە جاعدايلار دەپارتامەنتى كۇشتەرى مەن قۇرالدارى تۇركسىب اۋدانى، ىلە تاس جولى، 15 مەكەنجايىنا شىقتى، دەپ حابارلايدى Almaty-akshamy.kz.
دەپارتامەنت مالىمەتىنشە، العاشقى ءورت ءسوندىرۋ بريگاداسى 7 مينۋتتا وقيعا ورنىنا جەتتى. كەلگەن ساتتە اۆتوشينالاردى قايتا وڭدەۋ سەحىنىڭ عيماراتىن قاتتى ءتۇتىن باسىپ، 200 شارشى مەتر اۋماق اشىق جالىنمەن جانىپ جاتقانى انىقتالدى.
«كورشىلەس تۇرعان وتتەگى ستانسياسى بار عيماراتقا ءورتتىڭ تارالۋ ءقاۋپى تۋىندادى. جانىپ تۇرعان قاراڭعى قويمادان كەز كەلگەن مينۋتتا جارىلۋى مۇمكىن جالپى كولەمى 100 ل ەكى وتتەگى باللونىن شىعاردى»،- دەپ حابارلادى ۆەدومستۆودان.
ءورت ساعات 08.07-دە وقشاۋلانىپ، ساعات 08.25-تە ءسوندىرىلدى.
قايتىس بولعاندار مەن زارداپ شەككەندەر جوق.
«قابىلدانعان شارالاردىڭ ارقاسىندا سەحتاعى جابدىقتار، «TGB GROUP» ج ش س عيماراتى وتتان قورعالدى، سونداي-اق ءورت جاڭا اۆتوشينالارعا تارالۋىنا جول بەرىلمەدى. ءقازىر ءورتتىڭ شىعۋ سەبەبى انىقتالۋدا. قازىرگى تاڭدا سۋ توگۋ جانە ۇيىندىلەردى جيناقتاۋ جۇمىستارى جۇرگىزىلۋدە»،- دەپ اتاپ ءوتتى ۆەدومستۆودان.
