وزەكتى ماسەلەلەر جونىندە پىكىر الماستى.
مەملەكەت باسشىسى قاسىم-جومارت توقايەۆ استاناعا رەسمي ساپارمەن كەلگەن ليتۆا رەسپۋبليكاسىنىڭ سىرتقى ىستەر ءمينيسترى گابريەليۋس لاندسبەرگيستى قابىلدادى، دەپ حابارلايدى Almaty-akshamy.kz اقورداعا سىلتەمە جاساپ.
كەزدەسۋ بارىسىندا ساۋدا-ەكونوميكالىق جانە ينۆەستيسيالىق ىنتىماقتاستىقتى نىعايتۋعا باسا ءمان بەرىلە وتىرىپ، قازاقستان مەن ليتۆا قارىم-قاتىناستارىن دامىتۋ پەرسپەكتيۆالارى، سونداي-اق حالىقارالىق ۇيىمدار اياسىنداعى ىس-ارەكەت ماسەلەسى تالقىلاندى.
قاسىم-جومارت توقايەۆ گابريەليۋس لاندسبەرگيسكە ءىلتيپات بىلدىرە وتىرىپ، ليتۆا ەلىمىزدىڭ بالتىق جاعالاۋى ايماعى مەن ەۋروپالىق وداقتاعى باسىمدىققا يە سەرىكتەسى ەكەنىن اتاپ ءوتتى.
كەزدەسۋدە ۇكىمەتارالىق ىنتىماقتاستىقتى جانە ەكى ەلدىڭ ىسكەر توپتارى اراسىندا كولىك، لوگيستيكا، قۇرىلىس جانە وڭدەۋ ونەركاسىبى سالالارىنداعى ىس-ارەكەتتى جانداندىرۋدىڭ ماڭىزدىلىعى ءسوز بولدى.
ءوز كەزەگىندە گابريەليۋس لاندسبەرگيس قاسىم-جومارت توقايەۆقا، ليتۆا پرەزيدەنتى گيتاناس ناۋسەدانىڭ جۇرەكجاردى سالەمىن جانە ىزگى تىلەگىن جەتكىزدى. سونىمەن قاتار ليتۆا قازاقستاندى ورتالىق ازياداعى جەتەكشى ساۋدا-ەكونوميكالىق سەرىكتەس رەتىندە قاراستىراتىنىن اتاپ ءوتتى.
بۇدان بولەك، ولار حالىقارالىق كۇن تارتىبىندەگى وزەكتى ماسەلەلەر جونىندە پىكىر الماستى.