جەڭىمپازدارىنا اقشالاي سەرتيفيكاتتار تابىستالدى.
استانادا «ەڭبەك جولى» رەسپۋبليكالىق بايقاۋىنىڭ جەڭىمپازدارى مەن ەڭبەك ارداگەرلەرىن ماراپاتتاۋ ءراسىمى ءوتتى، دەپ حابارلايدى Almaty-akshamy.kz7
«اتالمىش كونكۋرس جىل سايىن ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ باستاماسىمەن ۇيىمداستىرىلادى. ەڭبەك ادامدارىنىڭ جۇمىسىن ناسيحاتتاۋ ماقساتىندا «ۇزدىك ەڭبەك اۋلەتى»، «جۇمىس ىستەيتىن جاستاردىڭ ۇزدىك تالىمگەرى» جانە «ءوندىرىستىڭ ۇزدىك جاس مامانى» اتتى نوميناسيالارى بويىنشا ماراپاتتالادى»، - دەلىنگەن مينيسترلىكتىڭ باسپا ءسوز قىزمەتىنىڭ حابارلاماسىندا.
ماراپاتتاۋ ءراسىمى الدىندا اشىق تالقىلاۋ سەسسياسى ءوتىپ، شارا بارىسىندا قازاقستاننىڭ ەڭبەك ەرى اتاعىنىڭ يەگەرلەرى سەرىك اقشولاقوۆ، اياگۇل ميرازوۆا مەن رىشات امرەنوۆتار ەلىمىزدىڭ ءار وڭىرىنەن كەلگەن جاستارعا ەڭبەك تاجىريبەلەرىمەن ءبولىسىپ، سۇراقتارىنا جاۋاپ بەردى.
تامارا دۇيسەنوۆا سالتاناتتى شارانىڭ اشىلۋىندا ەڭبەك ادامدارىنىڭ مەملەكەت پەن قوعامنىڭ دامۋىنا قوسىپ جاتقان ۇلەستەرىن ەرەكشە اتاپ ءوتتى.
مينيستر «ەڭبەك ارداگەرى» مەدالدارىن ەڭبەك ارداگەرلەرى جانارگۇل ماگۋلوۆاعا، كابدۋلمان يمامبەكوۆكە جانە كۇنىمبالا باياحمەتبايەۆاعا تاپسىردى.
بيىل «ەڭبەك جولى» كونكۋرسىنا ۇمىتكەرلەردەن وتىنىمدەردى قابىلداۋ 1 ساۋىردەن باستالدى. «ۇزدىك ەڭبەك اۋلەتى» نوميناسياسىنا 163 ءوتىنىم، «جۇمىس ىستەيتىن جاستاردىڭ ۇزدىك تالىمگەرى» نوميناسياسىنا 179 ءوتىنىم، ال «ءوندىرىستىڭ ۇزدىك جاس مامانى» نوميناسياسىنا 180 ءوتىنىم كەلىپ ءتۇستى.
كونكۋرستىڭ لاۋرەاتتارى رەسپۋبليكالىق كوميسسيانىڭ وتىرىسىندا جارىستىڭ ايماقتىق كەزەڭىندە جەڭىمپاز اتانعانداردان ىرىكتەلدى. كوميسسيا قۇرامىنا ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ وكىلدەرى، ق ر پارلامەنت دەپۋتاتتارى، الەۋمەتتىك سەرىكتەستەر، «اتامەكەن» ۇقپ مەن ق ر اقپارات جانە قوعامدىق دامۋ مينيسترلىگىنىڭ «قوعامدىق كەلىسىم» رمم وكىلدەرى كىردى.
«ۇزدىك ەڭبەك اۋلەتى» نوميناسياسى بويىنشا اباي وبلىسىنىڭ تۋكۋبايەۆتار اۋلەتى جەڭىمپاز اتاندى. ەكىنشى ورىندى شىعىس قازاقستان وبلىسىنىڭ كوۆاليەۆتار اۋلەتى، ال ءۇشىنشى ورىندى ۇلىتاۋلىق بەكماعانبەتوۆتار اۋلەتى قانجىعاسىنا بايلادى.
"جۇمىس ىستەيتىن جاستاردىڭ ۇزدىك تالىمگەرى" اتالىمىن الماتىدان كەلگەن ليۋدميلا حۆوستوۆا يەلەنسە، ەكىنشى جانە ءۇشىنشى ورىندى ەرعازى تۇرلىبەكوۆ (قاراعاندى وبلىسى) پەن جۇماباي ابدۋلوۆ (اتىراۋ وبلىسى) الدى.
"ءوندىرىستىڭ ۇزدىك جاس ماماندارى" اتاعىن پاۆلودار وبلىسىنان ناۋرىزبەك داكەن (1-ورىن)، الماتى وبلىسىنان سۇلتان اۋكەن (2-ورىن) جانە اقمولا وبلىسىنان نۇرقاسىم بايشۋاقوۆ (3-ورىن) يەلەندى.
كونكۋرس جەڭىمپازدارىنا اقشالاي سەرتيفيكاتتار تابىستالدى: 1 ورىنعا – 1 ملن تەڭگە، 2 ورىنعا – 500 مىڭ تەڭگە جانە 3 ورىنعا – 300 مىڭ تەڭگە.
ق ر ەڭبەك جانە حالىقتى الەۋمەتتىك قورعاۋ مينيسترلىگى 2016 جىلدان بەرى ەڭبەك اۋلەتتەرى مەن ءوندىرىس جۇمىسشىلارىنىڭ اراسىندا «ەڭبەك جولى» رەسپۋبليكالىق كونكۋرسىن ۇيىمداستىرۋدا. ونىڭ باستى مىندەتى – ەڭبەك ادامدارى جايلى وڭ قوعامدىق پىكىر قالىپتاستىرۋ جانە كاسىپورىندار مەن مەكەمەلەردە جاڭا ەڭبەك اۋلەتتەرىنىڭ قالىپتاسۋىنا جاعداي جاساۋ.