پرەزيدەنت رەسەيلىك ارىپتەستەردىڭ وسى باعىتتى بەلسەندىرەك پايدالانۋعا دەگەن قىزىعۋشىلىعىن قۇپتايتىنىن ايتتى
قازاقستان پرەزيدەنتى قاسىم-جومارت توقايەۆ ورتالىق ازيا ەلدەرى مەن رەسەيدى بىرلەسكەن ينفراقۇرىلىمدىق جوبالاردى جۇزەگە اسىرۋعا شاقىردى، دەپ حابارلايدى Almaty-akshamy.kz قازاقپاراتقا سىلتەمە جاساپ.
بۇگىن ەلورداداعى «ورتالىق ازيا-رەسەي» سامميتىندە مەملەكەت باسشىسى ترانسكاسپيي حالىقارالىق كولىك باعىتىن دامىتۋعا تىڭ سەرپىن بەرىلىپ وتىرعانىن ايتتى.
«پەرسپەكتيۆالى سولتۇستىك-وڭتۇستىك ءدالىزىن ودان ءارى قاراي دامىتۋعا ەرەكشە نازار اۋدارۋ كەرەك. شىعىس ازيادان پارسى شىعاناعى ەلدەرىنە ەڭ قىسقا جول اشاتىن قازاقستان-تۇرىكمەنستان-يران تەمىرجولىنىڭ الەۋەتىن بارىنشا ءتيىمدى پايدالانۋعا بولادى»، - دەدى.
وسى ورايدا پرەزيدەنت رەسەيلىك ارىپتەستەردىڭ وسى باعىتتى بەلسەندىرەك پايدالانۋعا دەگەن قىزىعۋشىلىعىن قۇپتايتىنىن ايتتى.
قاسىم-جومارت توقايەۆتىڭ سوزىنە قاراعاندا، ءوڭىر ەلدەرىندەگى كولىك باعدارلارىنان ءوزارا تيىمدىلىكتى قامتاماسىز ەتۋ تۇرعىسىندا ينفراقۇرىلىمدى جاڭعىرتۋ مەن ترانزيتتىك دالىزدەردىڭ وتكىزۋ قابىلەتىن ارتتىرۋ ماسەلەلەرىن بىرلەسە شەشۋ قاجەت ەكەنىن اتاپ ءوتتى.
«اتاپ ايتقاندا، سەرىكتەستەردى بىرلەسكەن ينفراقۇرىلىمدىق جوبالاردى جۇزەگە اسىرۋعا شاقىرامىز»، - دەدى قازاقستان پرەزيدەنتى.
بۇدان بۇرىن حابارلانعانداي، استاناداعى سامميتتە قاسىم-جومارت توقايەۆ ورتالىق ازيادا كولىك سالاسىنداعى ينفراقۇرىلىمدى دامىتۋ ماسەلەسىن كوتەردى.