مەملەكەت باسشىسى قاسىم-جومارت توقايەۆ كولىك ءمينيسترى نۇرلان ساۋرانبايەۆتى قابىلدادى، - دەپ حابارلايدى aqshamnews.kz.
كەزدەسۋ بارىسىندا ەلىمىزدىڭ كولىك-ترانزيت الەۋەتىن ودان ءارى ارتتىرۋ شارالارى تالقىلاندى.
قاسىم-جومارت توقايەۆ قازاقستان اۋماعى ارقىلى جۇك تاسىمالىن ۇلعايتۋ ءۇشىن اۆتوموبيل جولدارى مەن اۆياحابتار جەلىسىن بەلسەندى دامىتۋ ماڭىزدى ەكەنىنە نازار اۋداردى. سونىمەن قاتار تەمىرجول سالاسىنداعى اۋقىمدى ينفراقۇرىلىمدىق جوبالاردى ۋاقتىلى جۇزەگە اسىرۋ ماسەلەسىنە ايرىقشا ءمان بەرىلدى.
كولىك-لوگيستيكا سەكتورىنىڭ ىجو-دەگى ۇلەسىن ۇلعايتۋ ماقساتىندا مينيسترگە كەدەرگى كەلتىرەتىن فاكتورلاردى ساراپتاپ، سالانى دامىتۋ تاسىلدەرىن قايتا قاراۋ مىندەتى جۇكتەلدى.
مەملەكەت باسشىسى كولىك دالىزدەرىنىڭ وتكىزۋ مۇمكىندىگىن كەڭەيتىپ، قازاقستاننىڭ ەۋرازياداعى نەگىزگى ساۋدا-لوگيستيكا تورابى رەتىندەگى ءرولىن نىعايتۋ ءۇشىن جان-جاقتى ءارى ءتيىمدى شارالار قابىلداۋدى تاپسىردى.