قما الماتى قالاسى بويىنشا دەپارتامەنتى "ەڭبەك رەسۋرستارىن دامىتۋ ورتالىعى" اق جانە "ءبىرىنشى كرەديتتىك بيۋرو" ج ش س لاۋازىمدى تۇلعالارىنا قاتىستى ءىرى كولەمدە پارا الۋ جانە پارا بەرۋ دەرەگى بويىنشا سوتالدى تەرگەۋدى باستادى، - دەپ حابارلايدى aqshamnews.kz.
تەرگەۋ بارىسىندا "ءبىرىنشى كرەديتتىك بيۋرو" ج ش س باسشىلىعى قارجى ۇيىمدارىنىڭ سۇرانىستارىن وڭدەۋگە اقپاراتتىق قىزمەت كورسەتۋ كەزىندە "ەڭبەك رەسۋرستارىن دامىتۋ ورتالىعى" اق باسشىلىعىنا جۇيەلى تۇردە زاڭسىز سىياقى بەرگەنى انىقتالدى.
28 ماۋسىمدا الماتى قالاسى بويىنشا ەكونوميكالىق تەرگەپ-تەكسەرۋ دەپارتامەنتىنىڭ قىزمەتكەرلەرى جەدەل ىزدەستىرۋ ءىس-شارالارىن وتكىزگەن. وسى كەزدە 75 مىڭ اقش دوللارى كولەمىندەگى پارا بەرۋ كەزىندە بىرنەشە ادام ۇستالعاندار:
- ر.وماروۆ – "ءبىرىنشى كرەديتتىك بيۋرو" ءجشس-نىڭ باس ديرەكتورى،
- ا.سارباسوۆ – "ەڭبەك رەسۋرستارىن دامىتۋ ورتالىعى" اق-نىڭ باسشىسى، بۇعان دەيىن ەڭبەك جانە حالىقتى الەۋمەتتىك قورعاۋ مينيسترلىگىنىڭ ءبىرىنشى ۆيسە-مينيسترى قىزمەتىن اتقارعان؛
- د.ارعاندىقوۆ – "ەڭبەك رەسۋرستارىن دامىتۋ ورتالىعى" اق-نىڭ بۇرىنعى باسشىسى، بۇرىن دەنساۋلىق ساقتاۋ جانە الەۋمەتتىك دامۋ ۆيسە-مينيسترى قىزمەتىن اتقارعان.
كۇدىكتىلەردىڭ تۇرعىلىقتى جەرىن ءتىنتۋ بارىسىندا 370 مىڭ اقش دوللارى جانە 4،5 ملن تەڭگە كولەمىندەگى اقشا تاركىلەندى. 30 ماۋسىمدا سوت سانكسياسىمەن ا.سارباسوۆقا، ر.وماروۆقا جانە د.ارعاندىقوۆقا 2 اي مەرزىمگە قاماۋعا الۋ تۇرىندەگى بۇلتارتپاۋ شاراسى قولدانىلدى. تەرگەۋ جالعاسىپ جاتىر.