كەزدەسۋدە قازاق-قاتار قارىم-قاتىناستارىن دامىتۋ پەرسپەكتيۆالارى تالقىلاندى.
قاسىم-جومارت توقايەۆ كاتار پرەمەر-مينيسترىنىڭ ورىنباسارى – سىرتقى ىستەر ءمينيسترى مۇحاممەد بەن ابدۋلراحمان ءال تانيدى قابىلدادى، دەپ حابارلايدى Almaty-akshamy.kz اقورداعا سىلتەمە جاساپ.
ساۋدا-ەكونوميكالىق ىنتىماقتاستىقتى كەڭەيتۋگە، سونىڭ ىشىندە ەكونوميكانىڭ نەگىزگى سالالارىندا بىرلەسكەن ينۆەستيسيالىق جوبالاردى ىسكە اسىرۋعا ەرەكشە نازار اۋدارىلدى.
سونىمەن قاتار حالىقارالىق ۇيىمدار اياسىنداعى ءوزارا ءىس-قيمىلدى قاراستىرىپ، وڭىرلىك كۇن تارتىبىندەگى وزەكتى ماسەلەلەر جونىندە پىكىر الماستى.
مەملەكەت باسشىسى قىركۇيەك ايىندا ەر-ريادتا وتەتىن ورتالىق ازيا جانە پارسى شىعاناعى ەلدەرى سىرتقى ىستەر ۆەدومستۆولارى باسشىلارىنىڭ ديالوگ الاڭىنىڭ ءبىرىنشى وتىرىسىن قۇپتايتىنىن جەتكىزدى.
مۇحاممەد بەن ابدۋلراحمان ءال تاني قاسىم-جومارت توقايەۆقا كاتار ءامىرىنىڭ سالەمىن جەتكىزىپ، ونىڭ جۋىق ارادا قازاقستانعا كەلەتىنىن راستادى.