قاسىم-جومارت توقايەۆ جاڭا 2 زاڭعا قول قويدى، - دەپ حابارلايدى اqshamnews.kz ءتىلشىسى.
"مەملەكەت باسشىسى "قازاقستان رەسپۋبليكاسىنىڭ كەيبىر زاڭنامالىق اكتىلەرىنە تۇرعىن ۇي-كوممۋنالدىق شارۋاشىلىق، كاسىپكەرلىك جانە ەكسپورتتىق-كرەديتتىك اگەنتتىكتىڭ قىزمەتى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" قازاقستان رەسپۋبليكاسىنىڭ زاڭىنا قول قويدى"، - دەلىنگەن حابارلامادا.
زاڭ جەر، كاسىپكەرلىك، ازاماتتىق پروسەستىك، الەۋمەتتىك جانە سۋ كودەكستەرىنە، سونداي-اق 23 زاڭعا تۇزەتۋلەر ەنگىزدى.
تۇزەتۋلەردىڭ ءبىرىنشى بلوگى كوپپاتەرلى تۇرعىن ۇيلەردى باسقارۋ جۇيەسىن جەتىلدىرۋگە باعىتتالعان.
زاڭ كوپپاتەرلى تۇرعىن ۇيلەردى باسقارۋدىڭ جاي سەرىكتەستىك نىسانىن جويىپ، باسقارۋدىڭ ەكى ءتۇرىن عانا ساقتادى: ميب (مەنشىك يەلەرى بىرلەستىگى) جانە تبب (تىكەلەي بىرلەسىپ باسقارۋ).
تۇزەتۋلەردىڭ ەكىنشى بلوگى سالىق زاڭناماسىنا ەنگىزىلگەن وزگەرىستەرگە بايلانىستى.
زاڭ، سونىمەن قاتار، دەكلاراسيالاۋ ماسەلەلەرىندە قۇقىقتىق ايقىندىقتى ارتتىرۋعا جانە سالىق كودەكسىنىڭ ەرەجەلەرىنە سىلتەمە نورمالاردى وزەكتەندىرۋگە باعىتتالعان باسقا دا تۇزەتۋلەردى قامتىدى.
بۇدان باسقا، تۇرعىن ۇي-كوممۋنالدىق شارۋاشىلىق ماسەلەلەرى بويىنشا زاڭعا قول قويىلدى.
"مەملەكەت باسشىسى "قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنە تۇرعىن ۇي-كوممۋنالدىق شارۋاشىلىق ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" قازاقستان رەسپۋبليكاسىنىڭ زاڭىنا قول قويدى"، - دەلىنگەن حابارلامادا.