مەدەۋ اۋدانى ساپالى ينجەنەرلىك ينفراقۇرىلىممەن قامتاماسىز ەتۋ ماقساتىندا ۇلكەن جۇمىس ىستەپ جاتىر. باستى شارۋانىڭ ءبىرى – اۋدان تۇرعىندارىن، سونىڭ ىشىندە الىس جانە تاۋلى شاعىن اۋدانداردى ورتالىقتاندىرىلعان سۋمەن جابدىقتاپ، سۋ بۇرۋ جۇيەسىنە قوسۋ بولىپ وتىر. وڭىرلىك كوممۋنيكاسيالار قىزمەتىنىڭ الاڭىندا مەدەۋ اۋدانىنىڭ اكىمى ەركەبۇلان ورازالين وسىلاي دەدى.
وتكەن جىلدىڭ قازان ايىنان باستاپ «بالقاش» رەزەرۆۋارىنان «مۇزتاۋ» شاعىن اۋدانىنا دەيىن 2،2 شاقىرىم ماگيسترالدىق جەلى تارتىلا باستاعان. جوبانى ىسكە اسىرۋعا 574 ميلليون تەڭگە ءبولىندى. جوبانىڭ سوڭىنا تامان 2 000 ادام تازا اۋىز سۋمەن قامتاماسىز ەتىلەدى. جۇمىس 2025 جىلدىڭ قىركۇيەگىندە اياقتالىپ قالادى.
«كامەنسكوە پلاتو» شاعىن اۋدانىنا ەرەكشە نازار اۋدارىلىپ وتىر. وتكەن جىلى مۇندا 6 ارتەزيان ۇڭعىماسى، 12 سورعى، 7 رەزەرۆۋار سالىنىپ، 6،1 شاقىرىمدىق ماگيسترالدىق جەلى تارتىلدى. بيىل جالپى ۇزىندىعى 50 شاقىرىم بولاتىن تاراتۋ جەلىسىنىڭ قۇرىلىسى باستالدى. بۇل شاعىن اۋدان تۇرعىندارىن تازا اۋىز سۋمەن تۇراقتى قامتاماسىز ەتۋگە مۇمكىندىك بەرمەك. قۇرىلىس 2026 جىلدىڭ قىركۇيەگىندە اياقتالادى.
قوسىمشا «اتىراۋ»، «الاتاۋ»، «گورنىي گيگانت» پەن «مالايا ستانيسا» شاعىن اۋداندارىندا دا اۋقىمدى جوبالار ىسكە اسىرىلادى. بۇل اۋماقتاردا 21 شاقىرىم سۋ قۇبىرى مەن 45،2 شاقىرىم كارىز جەلىسى سالىنىپ جاتىر. سونىڭ ارقاسىندا مەدەۋ اۋدانىنداعى 21 مىڭنان استام تۇرعىننىڭ العاش رەت ورتالىقتانعان سۋعا قولى جەتىپ، سۋ بۇرۋ جۇيەسىنە قوسىلعالى وتىر.