الماتى قالاسىندا «مەرەيلى وتباسى – 2025» ۇلتتىق كونكۋرسى جىل سايىنعى ءداستۇر بويىنشا حالىقارالىق وتباسى كۇنىنە وراي 15 مامىردا باستالدى.
اعىمداعى جىلعى 15 مامىر مەن 15 ماۋسىم ارالىعىندا اۋدان اكىمدىكتەرىندە ۇلتتىق كونكۋرسقا قاتىسۋ تۋرالى وتىنىمدەر قابىلدانىپ،
قالا بويىنشا 250 وتباسى قاتىسۋعا نيەت ءبىلدىردى.
15 ماۋسىم مەن 30 ماۋسىم ارالىعىندا اۋداندىق كوميسسيا قۇرامى وتىنىمدەردى قاراپ، 2 ۇزدىك شىققان وتباسىنى قالالىق كوميسسيانىڭ قاراۋىنا جولدادى.
ۇلتتىق كونكۋرسقا قاتىسۋ تۋرالى ءوتىنىم بەرگەن وتباسىلاردىڭ ىشىنەن اۋداندىق دەڭگەيدە ۇزدىك دەپ تانىلعان 16 (ءار اۋداننان 2 وتباسى) وتباسىنىڭ قۇجاتتارى ا.ج. 1 شىلدەدە قالالىق كوميسسيا وتىرىسىندا قارالدى.
15 شىلدەدە الماتىدا «ميراس» سالتانات سارايىندا ۇلتتىق كونكۋرستىڭ قالالىق كەزەڭىنىڭ قورىتىندىسى بويىنشا 8 اۋدان مەن الماتى قالاسىنىڭ جەڭىمپاز وتباسىلارىن ەستەلىك سىيلىقتارمەن ماراپاتتاۋ سالتاناتتى ءراسىمى ءوتتى.
ۇلتتىق كونكۋرستىڭ الماتى قالاسى بويىنشا جەڭىمپازى – دۇيسەبايەۆتار وتباسى دەپ تانىلدى. دۇيسەبايەۆتار وتباسى – ۇستازدار وتباسى. ۇلبوسىن دۇيسەبايەۆا 40 جىل ۇستاز بولعان كوپ بالالى انا، اقجاۋلىقتى اجە. جۇبايى مارقۇم دۇيسەبايەۆ ابدىكامال دا ۇلاعاتتى ۇستاز، اقىن بولعان، 4 كىتابى جارىق كورگەن. دۇيسەبايەۆ ابدىكامالدىڭ 5 باۋىرى، دۇيسەبايەۆا ۇلبوسىننىڭ 4 باۋىرى، اكە-شەشەلەرى دە ۇستاز بولعان. ۇلبوسىن اپانىڭ اكەسى ابەن شەرىمبەتوۆ ماقتارال اۋدانىنداعى ق.ساتپايەۆ اتىنداعى ورتا مەكتەپتىڭ تۇڭعىش ديرەكتورى بولعان. دۇيسەبايەۆتار وتباسى 9 بالا، 25 نەمەرە، 9 شوبەرە ءسۇيىپ وتىرعان كوپ بالالى اۋليەت. قازىرگى تاڭدا ۇلبوسىن اپانىڭ 9 بالاسى دا ۇستازدىق جولىندا ەڭبەك ەتىپ ەتۋدە، 3 نەمەرەسى دە اتادان قالعان جولدى جالعاستىرىپ كەلەدى. اۋلەتتىڭ پەداگوگيكالىق ەڭبەك ءوتىلى 501 جىل.
قىركۇيەكتە وتباسى كۇنى قارساڭىندا استانا قالاسىندا ۇلتتىق كونكۋرس لاۋرەاتتارىن ديپلومدارمەن ماراپاتتاۋدىڭ رەسپۋبليكالىق سالتاناتتى ءراسىمى وتەدى. بۇل راسىمگە الماتى قالاسىنان دۇيسەبايەۆتار وتباسى قاتىسادى.
