الماتىدا ءىرى جول اپاتى بولدى، - دەپ حابارلايدى اqshamnews.kz قالالىق پوليسيا دەپارتامەنتىنىڭ باسپا ءسوز قىزمەتىنە سىلتەمە جاساپ.
جول-كولىك وقيعاسى 14 شىلدەدە ساعات 18:10 شاماسىندا الاتاۋ اۋدانىندا بولعان.
"الدىن الا مالىمەت بويىنشا، ماز ماركالى جۇك كولىگىنىڭ جۇرگىزۋشىسى بورالداي تاسجولى بويىمەن شىعىس باعىتتا كەلە جاتىپ، تىزگىنگە يە بولا الماعان. سالدارىنان ول ءبىر باعىتتا قوزعالىپ بارا جاتقان Mercedes-Benz جانە KIA كولىكتەرىمەن سوقتىعىسقان، كەيىن قارسى باعىتقا شىعىپ كەتىپ، Yutong ماركالى اۆتوبۋس پەن Subaru كولىگىنە سوعىلعان"، – دەپ حابارلادى پوليسيا.
اپات سالدارىنان 23 ادام زارداپ شەكتى. ولاردىڭ اراسىندا اۆتوبۋستىڭ جولاۋشىلارى مەن KIA كولىگىنىڭ جۇرگىزۋشىسى بار.
ءقازىر جول اپاتىنا بايلانىستى تەرگەۋ ءجۇرىپ جاتىر.