سارا نازاربايەۆا پرەزيدەنت ءىس باسقارماسى مەديسينالىق ورتالىعىنىڭ ۇلتتىق گوسپيتالىندە ەمىن جالعاستىرىپ جاتىر، - دەپ حابارلايدى aqshamnews.kz.
"ناۋقاس ەمدەۋ كۋرسىنان ءوتىپ جاتىر. بارلىق ءىس-شارالار مەديسينالىق كومەك كورسەتۋ بويىنشا بەكىتىلگەن ستاندارتتارعا سايكەس جانە بىلىكتى مامانداردىڭ باقىلاۋىمەن جۇرگىزىلىپ جاتىر"، – دەپ حابارلادى گوسپيتال.
مەكەمە وكىلدەرى قازاقستان رەسپۋبليكاسىنىڭ "حالىق دەنساۋلىعى جانە دەنساۋلىق ساقتاۋ جۇيەسى تۋرالى" كودەكسىنىڭ 273-بابىنا سايكەس دياگنوزعا، دەنساۋلىق جاعدايىنا قاتىستى مالىمەتتەر دارىگەرلىك قۇپياعا جاتاتىنىن اتاپ ءوتتى.
"مالىمەتتەردى جاريالاماۋ تۋرالى شەشىم ناۋقاستىڭ زاڭدى قۇقىقتارىن – جەكە ومىرگە قۇرمەتپەن قاراۋ جانە ەمدەۋ پروسەسىنە ارالاسۋدان قورعاۋ ماقساتىندا، تەك ونىڭ مۇددەسى ءۇشىن قابىلداندى. تۇسىنىستىكپەن قاراپ، مەديسينالىق ەتيكا ماسەلەلەرىنە قۇرمەتپەن قاراعانىڭىز ءۇشىن العىس ايتامىز"، – دەلىنگەن ۇلتتىق گوسپيتالدىڭ حابارلاماسىندا.
سارا نازاربايەۆا تۋرالى نە بەلگىلى؟
سارا نازاربايەۆا 1941 جىلى 12 اقپاندا قاراعاندى وبلىسى بۇقار جىراۋ اۋدانىنىڭ قىزىلجار اۋىلىندا دۇنيەگە كەلگەن. ينجەنەر-ەكونوميست ماماندىعى بويىنشا ءبىلىم العان. ءوز تەگى - قوناقايەۆا.
1962 جىلى سارا نازاربايەۆا نۇرسۇلتان نازاربايەۆقا تۇرمىسقا شىقتى. اراعا ءبىر جىل سالىپ داريعا ەسىمدى قىزدى دۇنيەگە اكەلدى. كوپ ۇزاماي دينارا مەن ءاليا نازاربايەۆا دۇنيەگە كەلدى.
تاۋەلسىزدىكتىڭ العاشقى جىلدارىندا سارا الپىس قىزى قوعامدىق جۇمىستاردا بەلسەندى بولدى. 1992 جىلى "بوبەك" قورىن اشتى. كەيىن "SOS كيندەردورف" بالالار اۋىلىن اشقان.