الماتىداعى كلوچكوۆ كوشەسىنىڭ بولىگىندە 1978 جىلعى قۇبىردى اۋىستىرۋعا بايلانىستى كولىك قوزعالىسى ۋاقىتشا شەكتەلمەك
الداعى جىلۋ ماۋسىمىنا دايىندىق اياسىندا الماتى قالاسىنىڭ المالى اۋدانىندا 1978 جىلى پايدالانۋعا بەرىلگەن 172 مەترگە جۋىق جىلۋ ماگيسترالى اۋىستىرىلادى.
وسىعان بايلانىستى 2025 جىلدىڭ 16 شىلدەسى مەن 1 تامىزى ارالىعىندا الماتى قالاسىنىڭ المالى اۋدانىندا كلوچكوۆ كوشەسىنىڭ بويىمەن قاراساي باتىر كوشەسىنەن قابانباي باتىر كوشەسىنە دەيىنگى اۋماقتا اۆتوكولىكتەر ءۇشىن قوزعالىس جابىلادى. ەكى باعىتتا دا كولىك قوزعالىسى شەكتەلمەك.
شەكتەۋ اتالعان كوشە ۋچاسكەسىنىڭ كولىك جولى بولىگىنىڭ استىنان وتەتىن قۇبىر ۋچاسكەسىندە جوسپارلانعان جاڭارتۋ جۇمىستارىنىڭ قاۋىپسىزدىگىن قامتاماسىز ەتۋ ماقساتىندا ەنگىزىلمەك. جاڭارتۋ جۇمىستارى جۇرگىزىلەتىن كەزەڭدە تۇتىنۋشىلاردى ىستىق سۋمەن قامتاماسىز ەتۋ ساقتالادى.
بۇل جىلۋ ماگيسترالى 3 كوپپاتەرلى تۇرعىن ءۇيدىڭ تۇرعىندارىن جىلۋ ەنەرگياسىمەن جانە ىستىق سۋمەن قامتاماسىز ەتەدى.
بيىل قالادا بارلىعى 39 شاقىرىم جىلۋ ماگيسترالىن قايتا جاڭارتۋ جوسپارلانعان. بۇل جىلۋ جەلىسىنىڭ ەسكىرۋىن 54%-عا دەيىن تومەندەتەدى.
ەستەرىڭىزگە سالا كەتەيىك، قوزعالىستى شەكتەۋگە قاتىستى بارلىق اقپارات Almaty.kz سايتىندا، @AlmatyJoly Telegram-ارناسىندا، اۋدان اكىمدىكتەرى مەن باسقارمالارىنىڭ الەۋمەتتىك جەلىلەرىندە، سونداي-اق «2GIS» جانە «ياندەكس كارتالارى» سەرۆيستەرىندە جاريالانعان.