بيىل 7 ناۋرىزدا الماتى اۋەجايىنىڭ قىزمەتكەرىن كەپىلگە العان ماشراپبەك باراتوۆقا قاتىستى ءىس بويىنشا سوت وتىرىسى قايتا جالعاستى، - دەپ حابارلايدى aqshamnews.kz ءتىلشىسى Massaget.kz-كە سىلتەمە جاساپ.
سوت وتىرىسى بارىسىندا پروكۋرور الماس بەرتايەۆ ايىپتاۋ اكتىسىن وقىدى. باراتوۆقا قىلمىستىق كودەكستىڭ 293-بابى 3-بولىگى ("بۇزاقىلىق")، 261-بابى 4-بولىگى 2-تارماعى ("كەپىلگە الۋ") جانە 273-بابى ("تەرروريزم اكتىسى تۋرالى كورىنەۋ جالعان حابارلاۋ") بويىنشا ايىپ تاعىلعان. پروكۋرور پروسەستى قىسقارتىلعان تارتىپتە، ياعني ءىستىڭ ماتەريالدارىن زەرتتەمەي قاراۋدى ۇسىندى.
ايىپتالۋشى ماشراپبەك باراتوۆ ءوز كىناسىن مويىندادى.
Tengrinews.kz /نيكيتا دانيلين©
ەسكە سالايىق، زەينەتكەر باراتوۆقا قاتىستى سوت 2025 جىلعى 7 ساۋىردە باستالعان بولاتىن. سول وتىرىستا كولىك اسكەري پروكۋراتۋراسىنىڭ پروكۋرورى ىستەگى ايعاقتاردى ايىپتالۋشى تەرىسكە شىعارماعانىن ايتىپ، سوت وتىرىسىن قىسقارتىلعان تارتىپپەن وتكىزۋدى سۇراعان ەدى.
سوت زالىندا اۋەجاي قىزمەتكەرى مەن ايىپتالۋشى ءسوز سويلەپ، ايىپتالۋشى كونتۋزيا العانىن، سونداي-اق ادامدى كەپىلگە الۋعا نە يتەرمەلەگەنىن ايتىپ بەرگەن. پروسەسس بارىسىندا ايىپتالۋشى بۇعان دەيىن ايىپتاۋلارمەن كەلىسكەن بولاتىن. ءبىراق كەنەتتەن قانداي دا ءبىر تالاپ قويعانى تۋرالى ايىپقا كەلىسپەيتىنىن ايتىپ، ءىس قوسىمشا تەرگەۋگە قايتارىلعان ەدى.