«Almaty Business – 2025» باعدارلاماسى اياسىندا 38،3 ملرد تەڭگەگە 750-دەن اسا جوبا قارجىلاندىرىلدى، - دەپ حابارلايدى اqshamnews.kz.
2025 جىلدىڭ ءبىرىنشى جارتىجىلدىعىنىڭ قورىتىندىسى بويىنشا «الماتى» اكك» اق ەنشىلەس كومپانيالارى «Almaty Business – 2025» كاسىپكەرلىكتى دامىتۋدىڭ وڭىرلىك باعدارلاماسى شەڭبەرىندە 4،7 ملرد تەڭگە سوماسىنا 44 جوبانى قارجىلاندىردى، بۇل 320 جاڭا جۇمىس ورنىن قۇرۋعا مۇمكىندىك بەردى. ونەركاسىپتىك ءوندىرىس، قايتا وڭدەۋ، مەديسينا، ءبىلىم بەرۋ، تۋريزم، كرەاتيۆتى ەكونوميكا، سپورت جانە الەۋمەتتىك كاسىپكەرلىك سالالارىنداعى كاسىپكەرلەر قارجىلاي قولداۋ الدى. باعدارلاما 2019 جىلى ىسكە قوسىلعان ساتتەن باستاپ 2025 جىلدىڭ شىلدەسىنە دەيىن جالپى سوماسى 38،3 ملرد تەڭگەگە 750 جوبا قارجىلاندىرىلدى.
قارىزداردىڭ ەڭ كوپ بولىگى ءوندىرىس جانە قايتا وڭدەۋ (45%)، الەۋمەتتىك كاسىپكەرلىك (21%)، تۋريزم (17%)، دەنساۋلىق ساقتاۋ (11%)، كرەاتيۆتى يندۋستريا (6%) جانە شاعىن ونەركاسىپ پاركتەرىن سالۋ (1%) سالالارىنداعى كاسىپورىندارعا بەرىلدى. اۋماقتىق ءبولۋ بويىنشا كوشباسشىلار بوستاندىق اۋدانى — 147 قارجىلاندىرىلعان باستاما، الاتاۋ اۋدانى — 119، المالى اۋدانى — 87، اۋەزوۆ اۋدانى — 84، مەدەۋ اۋدانى — 83، ناۋرىزباي اۋدانى — 65، تۇركسىب اۋدانى — 53 جانە جەتىسۋ اۋدانى — 50 بولدى. جوبالاردى ىسكە اسىرۋ ناتيجەسىندە 5 276 جاڭا جۇمىس ورنى قۇرىلدى.
«Almaty Finance» باسقارما ءتوراعاسى بەرىك قۇسايىنوۆتىڭ ايتۋىنشا، ريەۆولۆەرلىك-قايتارۋ تەتىكتىڭ ارقاسىندا بيۋدجەتتەن بولىنگەن 25،6 ملرد تەڭگە جالپى سوماسى 38،3 ملرد تەڭگەگە بيزنەستى جەڭىلدەتىلگەن قارجىلاندىرۋدى قامتاماسىز ەتتى. باعدارلاما ءوز جۇمىسىن جالعاستىرۋدا جانە الماتى كاسىپكەرلەرىن قولداۋدىڭ ءتيىمدى قۇرالى بولىپ قالا بەرەدى.
«Almaty Business – 2025» شەڭبەرىندە قارجىلاندىرۋعا ونەركاسىپتىك، يننوۆاسيالىق، ەكسپورتقا باعدارلانعان باستامالار، كرەاتيۆتى يندۋستريالار، الەۋمەتتىك كاسىپكەرلىك، شاعىن وندىرىستىك بيزنەس جوبالارى، سونداي-اق اەا جانە يندۋستريالىق ايماق اۋماعىنداعى بيزنەس-باستامالار جاتادى.
انىقتاما:
«Almaty Business – 2025» كاسىپكەرلىكتى دامىتۋدىڭ وڭىرلىك باعدارلاماسىن الماتى قالاسىنىڭ ءماسليحاتى 2019 جىلى بەكىتتى. باعدارلامانىڭ نەگىزگى باعىتتارىنىڭ ءبىرى شاعىن جانە ورتا بيزنەس سۋبەكتىلەرى ءۇشىن قارجىلاندىرۋدىڭ قولجەتىمدىلىگىن ارتتىرۋ بولدى. وسى ماقساتتى ىسكە اسىرۋ ءۇشىن «الماتى» اكك — ءنىڭ ەنشىلەس كومپانيالارى – «Almaty Finance» جانە «Almaty» ميكروقارجى ۇيىمى قۇرىلدى، ولار بۇگىندە بيزنەستى باستاۋ، دامىتۋ جانە قولداۋ ءۇشىن جەڭىلدىكتى قارىزدار ۇسىنادى.
قارجىلاندىرۋ جىلدىق 2% جانە 6% مولشەرلەمەلەر بويىنشا 7 جىلعا دەيىن جۇزەگە اسىرىلادى. 2% مولشەرلەمە ازاماتتاردىڭ الەۋمەتتىك وسال ساناتتارىنىڭ — كوپ بالالى جانە از قامتىلعان وتباسىلاردىڭ، I جانە II توپتاعى مۇگەدەكتەردىڭ، مۇگەدەك بالالاردى تاربيەلەپ وتىرعان وتباسىلاردىڭ، سونداي-اق شاعىن ونەركاسىپ پاركتەرىنىڭ رەزيدەنتتەرىنىڭ جوبالارىنا قولدانىلادى. 6% مولشەرلەمە الماتىدا تىركەلگەن جانە جۇمىس ىستەيتىن جاڭادان باستاۋشىلار مەن جۇمىس ىستەپ تۇرعان شوب سۋبەكتىلەرى ءۇشىن بەرىلەدى. قارىزدىڭ ەڭ جوعارى سوماسى «Almaty Finance»-تا 500 ملن تەڭگەنى جانە «Almaty»مقۇ-دا 78،64 ملن تەڭگەنى قۇرايدى. الىنعان قاراجاتتى كاسىپكەرلەر جابدىقتى، شيكىزاتتى ساتىپ الۋعا، اينالىم قاراجاتىن تولىقتىرۋعا جانە باسقا دا بيزنەس-ماقساتتارعا جۇمسايدى.