ۇكىمەت مۇشەلەرى مەن ورتالىق مەملەكەتتىك ورگاندار رەسمي وكىلدەرىنىڭ بريفينگ وتكىزۋ كەستەسى جاريالاندى، - دەپ حابارلايدى Almaty-akshamy.kz.
ەندى مينيسترلىك باسشىلارىمەن بەلگىلەنگەن كەستە بويىنشا بريفينگ وتكىزۋگە بولادى. ماسەلەن، پرەمەر-مينيستردىڭ ورىنباسارى - قارجى ءمينيسترى ەرۇلان جاماۋبايەۆ ايىنا ءبىر رەت بريفينگ وتكىزسە، سىرتقى ىستەر مينيسترلىگى وكىلى اپتا سايىن وتكىزەدى. ال سۋ جاڭا مينيسترلەر - تۋريزم جانە سپورت ءمينيسترى ەرمەك مارجىقپايەۆ، سۋ رەسۋرستارى جانە يرريگاسيا ءمينيسترى نۇرجان نۇرجىگىتوۆ، ونەركاسىپ جانە قۇرىلىس ءمينيسترى قانات شارلاپايەۆ تەك قازاندا بريفينگ وتكىزەتىنى كورسەتىلگەن.
سونىمەن قاتار، شەتەلدىك ءىسساپارلار وسى كەستەدەگى بريفينگ وتكىزۋ كەزەڭىمەن سايكەس كەلگەن جاعدايدا بريفينگ كەلەسى اپتاعا اۋىستىرىلاتىنى ايتىلدى.
ورتالىق مەملەكەتتىك ورگاندار وسى كەستە بويىنشا بريفينگ وتكىزۋ الاڭىن وزدەرى تاڭداۋعا قۇقىلى ەكەنى حابارلاندى.